Kinsay Nagabuhat sa Kabubut-on ni Jehova Karon?​—Kon Unsaon Kini Paggamit

Ang brosyur nga Kinsay Nagabuhat sa Kabubut-on ni Jehova Karon? gidisenyo para gamiton uban sa mga estudyante sa Bibliya una pa magsugod o sa matapos ang matag sesyon sa pagtuon.a Ang mga leksiyon 1 ngadto sa 4 naghatag ug impormasyon sa mga estudyante bahin kanato ingong grupo, ang leksiyon 5 ngadto sa 14 naghisgot bahin sa atong mga kalihokan, ug ang mga leksiyon 15 ngadto sa 28 nagpakita kon sa unsang paagi nagalihok ang atong organisasyon. Mas maayong hisgotan ang mga leksiyon sumala sa pagkasunodsunod niini gawas kon dunay partikular nga leksiyon nga nakapukaw ug interes. Ang matag leksiyon maoy usa lang ka panid ug mahimong hisgotan uban sa kadaghanang estudyante sa singko hangtod diyes minutos.

• 

  Hatagig pagtagad ang pangutana nga maoy ulohan sa leksiyon

• Basaha ang leksiyon, mahimong hutdon kini pagbasa o seksiyon por seksiyon

• Hisgoti ang inyong nabasa. Isukna ang mga pangutana sa ubos sa panid ug ang mga hulagway. Kon nahiangay, basaha ug hisgoti ang mga teksto. Ipasiugda nga gitubag sa mga sub-ulohan ang ulohang pangutana

• Kon dunay kahon nga “Pagsusig Dugang,” basaha ninyo kini ug dasiga ang imong estudyante sa pagsunod sa sugyot