Pagpauswag sa Atong Kahanas sa Ministeryo​—Ipahaom ang Imong Presentasyon

KON NGANONG IMPORTANTE: Ang dinihogan ug ang ubang karnero nagdapit sa tanang matang sa tawo sa ‘pag-inom nga walay bayad sa tubig sa kinabuhi.’ (Pin 22:17) Kining simbolikong tubig nagrepresentar sa tanang tagana ni Jehova aron mahigawas ang masinugtanong katawhan sa sala ug kamatayon. Aron matabangan ang mga tawo nga lainlaig kostumbre ug relihiyon, kinahanglan natong ipahayag ang “walay kataposang maayong balita” sa paagi nga makapadani sa matag indibiduwal.​—Pin 14:6.

KON UNSAON PAGHIMO:

• Pagpilig topiko ug teksto nga makapatandog sa kasingkasing sa mga tawo sa inyong teritoryo. Puwede nimong gamiton ang sampol nga pagpakig-estorya o ang imong paagi nga nakita nimong epektibo. Unsang mga topiko ug teksto ang nakapainteres nila? Duna bay bag-ong balita nga giestoryahan sa daghang tawo karon? Unsay makapainteres sa mga lalaki o babaye?

• Dihang makig-estorya, gamita ang mga timbaya ug kostumbre nga komon sa inyong lugar.​—2Co 6:3, 4

• Sinatia ang mga publikasyon ug video sa atong Teaching Toolbox aron magamit nimo kini niadtong nagpakitag interes

• Pag-download ug impormasyon sa pinulongan sa mga tawo nga lagmit mahibalag nimo sa inyong teritoryo

• I-adjust ang imong topiko base sa panginahanglan sa tagbalay. (1Co 9:19-23) Pananglitan, unsay imong isulti kon ang tagbalay bag-o lang namatyag minahal?

TAN-AWA ANG VIDEO, DAYON TUBAGA ANG MOSUNOD NGA MGA PANGUTANA:

• Unsang topiko ang gihisgotan sa magmamantala ngadto sa tagbalay?

• Unsay nahitabo sa kinabuhi sa tagbalay?

• Asa sa tulo ka teksto ang mas maayong gamiton, ug ngano?

• Giunsa nimo pag-adjust ang imong presentasyon aron mainteres ang mga tawo sa inyong teritoryo?