Makahatag ba Ka sa Imong Panahon ug Kusog?

Sumala sa gitagna ni Isaias, atong nakita karon ang talagsaong pag-uswag sa organisasyon ni Jehova dinhi sa yuta. (Isa 54:2) Tungod niini kinahanglang magtukod ug bag-ong mga Kingdom Hall, Assembly Hall, ug mga pasilidad sa sangang buhatan. Human sa pagpanukod, ang mga bilding angayng mentinahon, ug ang uban kinahanglang i-renovate. Busa, sa unsang paagi nato mahatag ang atong panahon ug kusog para kang Jehova?

• Makatabang ta sa paghinlo sa Kingdom Hall ilabina dihang eskedyul sa atong grupo nga manghinlo

• Puwede tang moapil sa mga pagbansay sa pagmentinar sa atong Kingdom Hall

• Puwede tang mopil-ap ug Local Design/Construction Volunteer Application (DC-50) aron makatabang ta sa pagpanukod ug sa mga proyekto sa pagmentinar nga duol sa atong gipuy-an

• Puwede tang mopil-ap ug Application for Volunteer Program (A-19) ug moboluntaryo sulod sa usa ka semana o kapin pa sa Bethel o sa ubang pasilidad sa sangang buhatan

TAN-AWA ANG VIDEO NGA USA KA BAG-ONG PROYEKTO SA PAGPANUKOD GIKAMULO NA UG PLANO​—EXCERPT, DAYON TUBAGA ANG MOSUNOD NGA MGA PANGUTANA:

• Sukad sa 2014, sa unsang paagi miuswag pag-ayo ang atong paggamit ug mga video?

• Aron makahimog daghan pang video, unsang proyekto ang giplano, ug kanus-a magsugod ug mahuman ang pagpanukod?

• Sa unsang paagi makatabang ang mga boluntaryo niini nga proyekto?

• Kon gusto natong moboluntaryo sa pagpanukod sa Ramapo, nganong angay tang mopil-ap ug application (DC-50) ug motabang sa mga proyekto sa Local Design/Construction nga duol sa atong gipuy-an?

• Unsay pamatuod nga si Jehova ang naggiya niini nga proyekto?

• Unsaon nato pagsuportar niini nga proyekto bisan pag dili ta personal nga makatabang sa pagpanukod?