Pagpauswag sa Atong Kahanas sa Ministeryo​—Pagsangyaw Pinaagig Telepono

KON NGANONG IMPORTANTE: Ang pagsangyaw pinaagig telepono maoy importanteng paagi aron bug-os natong mapaambit ang maayong balita. (Buh 20:24)a Kini makatabang nato nga makasangyaw bisag dili ta aktuwal nga makaduaw sa mga tawo.

KON UNSAON PAGHIMO:

• 

  Pangandam. Pagpilig haom nga topiko. Dayon paghimog nota sa gusto nimong isulti. Puwede sab kang mag-andam ug mubong mensahe sa imong tuyo enkasog answering machine ang motubag. Maayo sab kon manawag ka diha sa lamesa diin nakaplastar ang imong nota ug ubang gamit nga gikinahanglan, sama sa gadyet nga nakabukas ang JW Library^® o jw.org^®

• 

  Relaks lang. Sulti nga natural. Pahiyom ug pagkompas nga samag nakita ka sa imong kaestorya. Likayi ang paghunonghunong ug sulti, kon wala kinahanglana. Makatabang kon naa kay kauban. Kon ang tagbalay dunay pangutana, utrohag sulti ang iyang pangutana aron matabangan ka sa imong partner sa pagpangitag tubag

• 

  Paghimog pundasyon alang sa pagbalikduaw. Kon interesado ang tagbalay, puwede kang magbilin ug pangutana nga tubagon sa sunod nimong tawag. Dihang magtanyag ug publikasyon, puwede nimo siyang papilion kon ipadala kini sa e-mail o ipa-deliver kini o personal nga ihatod kaniya. Puwede sab nimo siyang ingnan nga magpadala kag link sa atong mga video o artikulo pinaagig text o e-mail. Kon itugot sa kahimtang, ipaila kaniya ang ubang artikulo o publikasyon sa atong website