KRISTOHANONG PAGKINABUHI

Paghimog Maalamong Desisyon Bahin sa Alkoholikong Ilimnon

Esena sa video nga ‘Hunahunaa ang Resulta Kon Moinom Ka.’ Halas nga naay bangkil mitungha gikan sa alkoholikong ilimnon nga gigunitan sa lalaki.

Ang tanang Kristohanon kinahanglang magkontrol bahin sa alkoholikong mga ilimnon. (Pr 23:20, 29-35; 1Co 6:9, 10) Kon moinom ang usa ka Kristohanon, kinahanglang dili siya maghinobra sa pag-inom. Likayan sab niya nga mahimong palainom ug makapandol sa uban. (1Co 10:23, 24; 1Ti 5:23) Dili nato angayng presyuron ang uban, ilabina ang mga batan-on, nga moinom ug alkoholikong ilimnon.

TAN-AWA ANG WHITEBOARD ANIMATION NGA HUNAHUNAA ANG RESULTA KON MOINOM KA, DAYON TUBAGA ANG MOSUNOD NGA MGA PANGUTANA:

Nganong angayng sundon sa tanang Kristohanon ang mga balaod bahin sa pag-inom ug alkoholikong ilimnon?—Rom 13:1-4
Nganong dili ta angayng magpapresyur nga moinom?—Rom 6:16
Unsay atong himoon aron malikayan ang peligrosong mga kahimtang nga konektado sa pag-inom?