Repasoha ang Pangunang mga Punto

Naa bay panahon nga nalimot na dayon ka sa bag-o lang nimong gitun-an? Usahay mahitabo ni nato. Busa unsay makatabang nimo? Repasoha ang pangunang mga punto.

Samtang magtuon ka, hunong kadali ug hunahunaa kon unsa ang pinakaimportanteng mga ideya. Kini ang gidasig ni apostol Pablo nga himoon sa mga igsoon aron masabtan nila ang iyang sulat. Siya miingon: “Karon kini ang pangunang punto.” (Heb. 8:1) Pinaagi niining mga pulonga, gitabangan niya ang mga mamiminaw nga masabtan kon unsay iyang gipasabot ug kon sa unsang paagi ang matag punto konektado sa iyang tema.

Puwede kang mogahin ug panahon, tingali 10 minutos human sa imong pagtuon, aron marepaso nimo ang pangunang mga punto sa imong gitun-an. Kon dili nimo mahinumdoman ang pangunang mga punto, tan-awag balik ang mga sub-ulohan o basaha ang unang sentence sa matag parapo, kay sagad naa dinhi ang dagkong punto. Kon naa kay bag-ong nakat-onan, sulayi nga ipatin-aw ni sa imong kaugalingong mga pulong. Samtang imong repasohon ang pangunang mga punto, makatabang ni nimo nga mahinumdoman ang imong gitun-an ug mas masabtan kon unsaon nimo ni pagpadapat sa imong kinabuhi.