Pangutana

● Sa unsang paagi ikapasundayag ta ang Kristohanong pamatasan sa dihang motambong ug Pagtuon sa Basahon sa Kongregasyon?

Sagad kita gipanid-an sa atong mga silingan, ug sila usahay mokomento sa atong panggawi. (Itanding 1 Corinto 4:9.) Ingong mga alagad ni Jehova, gusto ta nga ang ilang mga komento maoy paborable. (1 Ped. 2:12) Tinuod kini diha sa Pagtuon sa Basahon sa Kongregasyon. Sanglit ang kadaghanan niini gihimo man diha sa pribadong mga balay, ang espesyal nga pagkamabinantayon gikinahanglan aron ang atong mga batasan mosumbaliksilaw nga maayo sa tanang atong ginabuhat. Diin limitado ang dapit sa pagparking, maninguha nga malikayan ang wala-kinahanglanang pagkalagot kanila anaa sa kasilinganan pinaagig dili pagparking sa atong sakyanan diha sa dalan nga magpabalda sa atong silingan.

Kita malipayon sa dihang magakatigom ug kini sagad mosangpot sa buhing panaghisgot. (Miq. 2:12) Ang maayong pamatasan ug konsiderasyon alang sa uban nagadiktar nga ang kakusgon sa atong panaghisgot huptan sa kasagarang lebelo. (Mat. 7:12; Gal. 6:10) Ang Kristohanong gugma usab nagatukmod kanato nga pugngan ang atong mga anak sa pagdagandagan sa gawas ug magdaot sa propyedad sa ubang mga tawo. (Prov. 29:15; 1 Cor. 13:4, 5) Kini maglakip sa matinahorong pamatasan diha sa balay nga ang pagtuon sa libro gidumala. Kon ang bisan unsang di-hustong pamatasan mapanid-an, ang mga ansiyano mohatag ug mahigugmaon ug malig-ong tambag aron malikayan ang mga suliran nga nagasumikad sa mga reklamo gikan sa mga silingan o mga gumonhap ngadto sa tagbalay sa maong dapit sa pagtuon sa basahon.