Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 2/91 p. 1-7
  • Usa ka Panahon Alang sa Dugang Buluhaton

Walay video nga available.

Sorry, dunay problema sa pag-load sa video

  • Usa ka Panahon Alang sa Dugang Buluhaton
  • Atong Ministeryo sa Gingharian—1991
  • Sub-ulohan
  • Susamang Materyal
  • SAULOG SA MEMORYAL UG ESPESYAL NGA PAKIGPULONG
  • DUGANGI ANG PANAGTAG SA MAGASIN
  • Ang Abril ba Mahimong Espesyal nga Bulan Alang Kanimo?
    Atong Ministeryo sa Gingharian—1993
  • “Iwali sa Bug-os ang Pulong sa Diyos”
    Atong Ministeryo sa Gingharian—2002
  • Pahimusli ang Panahon sa Memoryal Alang sa Dugang Buluhaton!
    Atong Ministeryo sa Gingharian—2011
  • Magmasiboton sa Kon Unsay Maayo!
    Atong Ministeryo sa Gingharian—2003
Uban Pa
Atong Ministeryo sa Gingharian—1991
km 2/91 p. 1-7

Usa ka Panahon Alang sa Dugang Buluhaton

1 Samtang ang kataposan niining sistemaha nagakaduol na man gayod ug nakita ta kon sa unsang paagi si Jehova dagayang nagapanalangin sa atong ministeryo, kita kinahanglang mosanong sa tambag ni apostol Pedro sa ‘pagsangkap sa atong mga hunahuna alang sa buluhaton.’​—1 Ped. 1:13; Isa. 60:22.

2 Sa gihatag ni Pedro ang tambag sa itaas, siya misulat bahin sa kaluwasan nga mahimong atong maangkon pinaagi sa dugo ni Jesu-Kristo. Ang atong pagpahayag sa maayong balita sa Gingharian maoy usa ka paagi sa pagpasundayag sa atong pagtuo ug pagpatugbaw sa atong pagpabili sa mga benepisyo nga atong nadawat tungod sa gibutyag nga gugma ni Jehova pinaagi sa gasa sa iyang Anak. (Juan 3:16) Ang panahon sa Memoryal maoy usa ka panahon nga mas pa ganing magmaaktibo niining gimbut-an-Diyos nga buluhaton.

SAULOG SA MEMORYAL UG ESPESYAL NGA PAKIGPULONG

3 Ang selebrasyon sa Memoryal niining tuiga pagahimoon human sa pagsalop sa adlaw sa Marso 30. Bisan sa pagkakaron, nga madahomon nianang espesyal nga petsa, kita makahimo man sa pagtino sa atong relasyon kang Jehova ug ang paagi nga kita maghinumdom sa halad ni Jesus. Ato bang gipasundayag ang atong pagtuo sa kada adlaw pinaagig hugot nga pagsunod sa matarong nga mga sukdanan ni Jehova diha sa atong panghunahuna, sinultihan, ug panggawi? Kita ba nagapakitag gugma sa uban pinaagig pagpanikaysikay sa atong kaugalingon sa buluhatong pagsangyaw ug paghimog tinun-an? Diha sa espesyal nga paagi sa kada tuig sa Memoryal, atong mahinumdoman ang gibuhat ni Jehova nga Diyos ug ni Jesus alang kanato. (Luc. 22:19; 1 Cor. 11:23, 24) Ang maong paghinumdom kinahanglang magtukmod kanato sa positibong aksiyon sumala sa atong tinagsatagsa nga mga katakos ug mga kahimtang.

4 Sa Abril 7, ang kadaghanan sa mga kongregasyon sa tibuok kalibotan magpahayag sa linaing pakigpulong sa ulohang “Ang Pag-abot sa Mesiyas ug ang Iyang Pagmando.” Pagkamaayo kaayong higayon alang sa mga bag-ohan sa pagsugod sa pagpakig-uban sa kongregasyon! Kadtong motambong sa Memoryal kinahanglang mapalig-on sa pagtambong niining espesyal nga pakigpulong.

DUGANGI ANG PANAGTAG SA MAGASIN

5 Ang tanang magmamantala sa Gingharian moapresyar sa linaing panlimbasog nga nalambigit sa pag-andam sa mga gula sa Bantayanang Torre ug Pagmata! para sa Abril ug Mayo. (Tan-awang “Pangandam Alang sa Kampanya sa Suskrisyon sa Bantayanang Torre” sa panid 8.) Paneguroang mag-order ug ekstra nga mga kopya gikan sa igsoong lalaki nga nag-atiman sa mga magasin sa inyong kongregasyon aron aduna kamoy daghan nga magamit. Sa moabot na ang mga magasin, sinatia kanag maayo ang kada gula. Kini magpahaling sa imong kasibot sa pagtanyag niini sa kanataran.

6 Malugaran mo ba diha sa imong eskedyol ang pag-oksilyare payunir sa Marso, Abril, o Mayo? Sa pipila ka kongregasyon dihay kapin sa katunga sa mga magmamantala ang nag-oksilyare payunir sa Abril sa miaging tuig. Sa dihang daghan ang duyog nga moambit sa pagpayunir sa samang panahon, sila magkatinabangay ug magkalinig-onay sulod niining espesyal nga yugto sa buluhaton. Ang mga ansiyano mahimuot sa pag-abag pinaagig paghimog dugang mga kahikayan sa pag-alagad sa kanataran diin kana gikinahanglan.

7 Kon ikaw dili pa makaarang sa pagpayunir sa maong higayon, ngadto sa unsang gilapdon nga ikaw makapauswag sa imong pakig-ambit sa ministeryo sa kanataran? Dayag nga si Jehova mahimuot sa tibuok-kalag nga pag-alagad nga nagapatugbaw sa atong gugma ug pagpabili alang kaniya ug sa iyang Anak, si Jesus. Ang iyang espiritu magapatunhay kanato sa pagtanyag sa madawatong mga halad sa pagdayeg.​—Heb. 13:15.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa