Pangutana

● Kon ang usa ka magmamantala mobalhin ngadto sa laing dapit, unsa man gayod ang pagabuhaton aron makabulig sa maong pagbalhin ngadto sa bag-ong kongregasyon?

Sa dihang mahiabot ang usa ka magmamantala gikan sa laing kongregasyon, ang sekretaryo sa kongregasyon kinahanglang mokuha gikan sa maong magmamantala sa ngalan sa iyang unang kongregasyon ug ngalan ug adres sa sekretaryo sa maong kongregasyon. Dayon siya mosulat ngadto sa sekretaryo, nga nagahangyo sa ‘Publisher Record card’ ug usa ka pasiunang sulat. Ang sekretaryo nga makadawat niini nga hangyo kinahanglang mosanong nga walay langan.​—Tan-awang Organisado sa Pagtuman sa Atong Ministeryo, mga panid 104-5.

Ang magmamantala nga nagaplano sa pagbalhin makatabang pinaagig pagseguro nga dala niya ang hustong ngalan sa kongregasyon nga iyang gibiyaan ug ang ngalan ug adres sa sekretaryo. Dayon, sa iyang pag-abot diha sa bag-ong kongregasyon, kining maong impormasyon ikahatag ngadto sa sekretaryo didto aron iyang mahikay kana gilayon. Ang mga taho sa binuhatan sa kanataran nga gihatag ngadto sa bag-ong kongregasyon pagahuptan hangtod moabot ang ‘record card.’ Human niana ang binuhatan sa magmamantala ikatala na diha sa ‘record card’ ug ikalakip na sa sunod nga bulan nga report sa kongregasyon.

Sa pipila ka hitabo ang magmamantala basin nahibalo na sa ngalan ug adres sa sekretaryo nga iyang adtoan o balhinan. Kon mao, wala na ing kinahanglan nga ang mga ansiyano maghulat pa ug usa ka hangyo. Ang rekord sa binuhatan sa magmamantala ug usa ka pasiuna o pataban nga sulat mahimong ipadala dayon ngadto sa sekretaryo sa kongregasyon nga pakig-ubanan sa maong magmamantala.