Tagamtama ang Maayong mga Kasinatian!

Nagakalipay ka ba nga makabaton ug maayong mga kasinatian? Kini sagad dili sulagma. Ang kadaghanan maoy resulta sa makugihong panikaysikay. Kini dili kinahanglang limitado lamang sa mga magmamantala nga mas larino o mas takos.

Ania ang pipila ka butang nga namatikdan diha kanilang may kadaghanang kalamposan: (1) Sila sagad nagapakig-ambit sa pag-alagad sa kanataran sa pipila ka beses kada semana, nga nagahatag kanilag daghang kahigayonan sa pagkaplag sa interesadong mga tawo; (2) ilang ginahuptan ang positibong tinamdan ngadto sa mga tagbalay, nga dili abanteng maghinapos nga sila dili mosanong; (3) sila may mahigaIaong paagi, nga nagapasundayag ug tiunayng interes niadtong nagapatalinghog; (4) sila malahutayon sa mga pagbalikduaw ingon man sa mga wala-sa-balay; ug (5) sila may tumong sa pagsugod ug mga pagtuon sa Bibliya.

Human nga maanalisar ang imong kalihokan, tingali imong makita kon sa unsang paagi imong matagamtam ang dugang maayong mga kasinatian nga makahimo sa ministeryo nga mas makatagbaw.