Unsay Akong Isulti?

Sa dihang ikahimamat nato ang mga tawo diha sa ministeryo nga paborableng mosanong, buot natong mobalik aron sa paghatag kanilag dugang pamatuod. Bisan pa niana, tingali dili kita segurado kon unsay isulti sa pagpadayon sa sunod nga panaghisgot. Hayan sulayan nimo kining paagiha: Ipatungha ang usa ka makapainteres nga pangutana, ug dayon paklia ang Nangatarongan nga libro aron ipakita ang Kasulatanhong tubag. Makatabang ang pagbaton ug listahan sa mga pangutana nga gikan niana makapili kag usa nga tingali imong gibati nga makakuhag labing maayong sanong sa usa ka linain nga duaw. Ang listahan sa ubos, nga gihan-ay gikan sa Nangatarongan nga libro, nagpakita sa numero sa panid diin ang matag tubag makaplagan:

◼ Nganong kita matigulang ug mamatay? (102, Kamatayon)

◼ Aduna bay undanon nga mga rason sa pagtuo diha sa Diyos? (141, Diyos)

◼ Ang Diyos nagatagad ba gayod kon unsay mahitabo kanato nga mga tawo? (142, Diyos)

◼ Kinahanglan ba ang tawo nga moadto sa langit aron makahupot sa tinuod malipayong ugma-damlag? (233, Langit)

◼ Nganong importanteng makaila ug makagamit sa personal nga ngalan sa Diyos? (217, Jehova)

◼ Unsa man ang malampos sa Gingharian sa Diyos? (182, Gingharian)

◼ Unsa ang katuyoan sa tawhanong kinabuhi? (130, Kinabuhi)

◼ Nganong adunay daghan kaayong relihiyon? (362, Relihiyon)

◼ Sa unsang paagi maila sa usa ka tawo kon hain ang hustong relihiyon? (368, Relihiyon)

◼ Unsa ka gamhanan si Satanas diha sa kalibotan karon? (395, Satanas)

◼ Nganong gitugotan sa Diyos ang kasakitan? (114, Kasakitan)

◼ Nganong dagsang kaayo ang pagkadaotan? (300, Pagkadaotan)

Mahimong imong ibutang ang maong listahan sa mga pangutana diha sa imong Bibliya o Nangatarongan nga libro para sa daling reperensiya. Ang pagbaton ug tinong butang sa hunahuna nga isulti sa mga pagbalikduaw magdasig kanimo nga magmatinumanon sa pagsundal sa tanang interes nga imong makaplagan.