Unaha ang Kaayohan sa Uban

Ang Gihimo ni Jesus

VIDEO: Si Jesus ug ang Babaye Diha sa Atabay

1. Tan-awa ang VIDEO, o basaha ang Juan 4:6-9. Dayon konsideraha ang mosunod nga mga pangutana:

1. Unsay naobserbahan ni Jesus sa babaye sa wala pa niya kini estoryaha?

2. Si Jesus miingon: “Palihog, hatagi kog mainom.” Nganong epektibo ni nga paagi sa pagsugod ug panag-estorya?

Unsay Atong Makat-onan Kang Jesus?

2. Dakog posibilidad nga mahimong maayo ang panag-estorya kon maghisgot tag topiko nga makapainteres sa atong kaestorya.

Sundoga si Jesus

3. Mag-adjust. Dihang magsugod ug panag-estorya, ayaw pagpokus pag-ayo sa topiko nga imong giandam. Paghisgot ug topiko nga ginahunahuna sa uban karon. Pangutan-a ang kaugalingon:

1. ‘Unsay naa sa balita?’

2. ‘Unsay ginaestoryahan sa akong mga silingan, kauban sa trabaho, o klasmet?’

4. Maniid. Pangutan-a ang kaugalingon:

1. ‘Unsay iyang ginahimo? Unsa kahay iyang gihunahuna?’

2. ‘Base sa iyang sininaan, pamostura, o balay, unsa kahay iyang tinuohan o kultura?’

3. ‘Maayo ba ni nga panahon nga makig-estorya niya?’

5. Maminaw.

1. Ayaw sigeg estorya.

2. Dasiga ang imong kaestorya nga mosulti sa iyang gibati pinaagi sa pagpangutana kaniya, kon haom.