Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Pebrero

“Gihunahuna sa daghang tawo nga ang Yawa mao ang hinungdan sa pagkadaotan diha sa kalibotan. Apan sila nahibulong: ‘Sa unsang paagi milungtad ang Yawa? Gilalang ba siya sa Diyos?’ Unsay imong hunahuna? [Patubaga.] Matikdi kon unsay giingon dinhi.” Ipakita ang artikulo sa likod sa Pebrero 1 nga Bantayanang Torre, ug hisgoti ang unang parapo ug ang gisitar nga teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Pebrero 1

“Buot namong masayran ang imong opinyon bahin sa usa nga gitahod pag-ayo sa mga Kristohanon, Hudiyo, ug Muslim. Siya si Moises. Unsay mosantop sa imong hunahuna inigkadungog nimo sa iyang ngalan? [Patubaga.] Bisag nakahimo siyag mga sayop, makapainteres ang paagi sa paghubit sa Bibliya kang Moises. [Basaha ang Deuteronomio 34:10-12.] Kini nga magasin naghisgot sa iyang tulo ka maayong hiyas ug kon unsaon nato siya pagsundog.”

Pagmata! Pebrero

“Komon na karon ang pagpanarbaho sa ubang nasod aron makakitag maarang-arang nga kinabuhi. Sa imong hunahuna, kanunay bang natuman ang ilang gipangandoy? [Patubaga.] Ang paglalin ngadto sa laing nasod dili bag-o. Matikdi kini nga pananglitan diha sa unang basahon sa Bibliya. [Basaha ang Genesis 46:5, 6.] Kini nga magasin nagtubag niini nga mga pangutana.” Ipakita sa tagbalay ang mga pangutana sa kataposang bahin sa panid 6.