Hmailam Ziangtin Na Ruat?

BAIBAL SIMMI

‘Pathian in . . . an mitthli hmuahhmuah a hnul sak ding. Thih a um nawn lo ding; ninghang riahsiat, aihram ṭahnak le natnak a um nawn lo ding. Ziangahtile thil hlun pawl cu an hlo ṭheh zo.’—Thuphuan 21:⁠3, 4.

BAIBAL IN NA ṬHATHNEMNAK DING PAWL

Lungkimzet ih tisan neimi hnatuan.—Isaiah 65:21-23.

Natnak le harsatnak a hlo ṭheh ding.—Isaiah 25:8; 33:24.

Innsang, rualpipawl thawn nuamzet in kumkhua nunnak.—Saam 37:11, 29.

BAIBAL SIMMI CU NA RINSAN THEI MAW?

Rinsan theinak ding a malbik thu pahnih:

• Pathiam cu a tiamkammi tuah theitu a si. Jehovah Pathain cu rikhiah nei lomi huham a nei ruangah amah lawng kha, “Ziangtinkimtithei Pathain” tiin Baibal in a ti. (Thuphuan 15:3) Curuangah leitlun thilumdaan pawl ṭhatlam pan vivo dingin remsak dingah thu a tiam vekin a tuah ding. “Pathain hrangah cun ziang hmuahhmuah a cang thei,” Baibal in a ti.—Matthai 19:26.

• Pathian cu a tiamkammi vekin tuahsak duhmi Pathain a si. Tahṭhimnak ah Pathian in mithipawl nungsal dingah thawhter a duh.—Job 14:14, 15.

  Pathian Fapa Jesuh cu leitlun a um laiah mina pawl a damter tiin Baibal in a sim. Ziangruangah a rak ti dam? Natnak pawl hi tihloh verver a duh. (Marka 1:40, 41) Jesuh cu a pa vekin mi bawm a duh.—Johan 14:9.

  Curuangah Jehovah Pathian le Jesuh cun kanmah kha hmailam ah nuam zetih um thei dingah induhsak tiin kan rinsan thei.—Saam 72:12-14; 145:16; 2 Piter 3:9.