Mithipawl An Nungsal Taktak Pei Maw?

BAIBAL SIMMI

“Thihnak ihsin an tho sal ding.”—Tirhthlah 24:15.

BAIBAL IN NA ṬHATHNEMNAK DING PAWL

Kan duhdawtmi pawl an thih tikah hneemnak.—2 Korin 1:3, 4.

Thih ṭihnak in luatnak.—Hebru 2:15.

Na duhdawtmi a thi ciami pawl thawn nan tongaw sal ding ti ruahsannak.—Johan 5:28, 29.

BAIBAL SIMMI CU NA RINSAN THEI MAW?

Rinsantheinak ding a malbik thu pathum:

• Pathian cu nunnak Seemsuahtu a si. Jehovah Pathian cu “nunnak cerhti” a si tin Baibal in a sim. (Saam 36:9; Tirhthlah 17:24, 25) Thilnung hmuahhmuah nunnak a petu Pathian in mithi pawl nungtersal dingin a tuah thei ti a fiang a si.

• Pathian cun hlanlai mithi hrekkhat pawl a nungter dah zo. Minung pariat a nungsal timi thuhla Baibal ah a tarlang. Cu mipawl sungah cun mino, upa, mipa, nunau an tel. Mi hrekkhat cu reilote sung an thi, pakhat cu thlan sungah nili a um ih a nungsal.—Johan 11:39-44.

• Pathian cu hmailam ah mithi pawl nungsalter a duh. Jehovah cu thihnak a hua ih, ral vekin a hmu. (1 Korin 15:26) Pathian cu thihnak ral kha neh ding le thawhsalnak thawngin thihnak kha siatral ding a duh. Pathian cinkenmi mithi pawl nungsal dingih leitlun ah umtersal a duh.—Job 14:14, 15.