Retheihzonzaih A Cem Dah Pei Maw?

BAIBAL SIMMI

‘Pathian in . . . an mitthli hmuahhmuah a hnul sak ding. Thih a um nawn lo ding; ninghang riahsiat, aihram ṭahnak le natnak a um nawn lo ding. Ziangahtile thil hlun pawl cu an hlo ṭheh zo.’—Thuphuan 21:3, 4.

BAIBAL IN NA ṬHATHNEMNAK DING PAWL

Kan buainak pawl hi Pathian umtermi a si lo ti theihfiangnak.—Jeim 1:13.

Retheihzonzaih kan tuar daan kha Pathian in a theithiam ti kan thei ruangah hneemnak.—Zekhariah 2:8.

Retheihzonzaih a cem ding ti ruahsannak.—Saam 37:9-11.

BAIBAL SIMMI CU NA RINSAN THEI MAW?

Rinsantheinak a malbik thu pahnih:

• Pathian in retheihzonzaihnak le thu dinglonak kha a hua. Baibal san laiih Jehovah Pathian biatu pawl hremnak nasatzet an tuar tikah Pathian a tuar vemi kha ruat hnik aw. “An ralpawl hremnak ruangih an aihramnak kha Pathian in a theih tikah a zaangfah hai,” tin Baibal in a sim.—Thuṭhentu 2:18.

  Midang harsatpetu pawl kha Pathian in a hua tin Baibal in a sim. Tahṭhimnak ah, “misual lo a thattu kut” kha Pathian in a fih tin Baibal in a sim.—Thufim 6:16, 17.

• Pathian in kan bulpak ciar in inngaihsak. Minung in “thinpit vansang” kan thei vekin Jehovah khal in a theihpi ve!—2 Sansiarnak 6:29, 30.

  Jehovah in a Uknak hmangin kan bulpak ciar retheihzonzaihnak kha a cemter ding. (Matthai 6:9, 10) Tu ahcun, amah thinlung takten a hawltu pawl cu hneemnak a pek.—Tirhthlah 17:27; 2 Korin 1:3, 4.