¿Kácheʼda debe kɨ chinenla ni Biblia?
¿Kache a weleʼ...
... umpʼe libru de u kʼajalin winikob?
... umpʼe libru de jopʼojtiʼ?
... u tʼan ni Dios?
LU KE U YELEʼ NI BIBLIA
«U pete ni jun ta Dios tsʼibiba, une chich u yɨkʼi tɨ tsʼibinte.» (2 Timoteo 3:16, U Chʼuʼul Tʼan Dios tɨ yokotʼan.)
KACHE U TƗKLENONLA KƗ WINAʼTANLA
A kɨ polenla kácheʼda u pʼalinte ni gran kʼetomob ke u yute tan ni kuxle (Proverbios 2:1-5).
U je tɨ ajne umpʼe guía tu tojá ta kuxlikonla (Salmo 119:105).
A kɨ pitɨnla lu ke u je u tesen ni kuxle (Romanos 15:4).
¿YAʼAN NI RAZONES TA KE TSʼONONLA LU KE U YELEʼ NI BIBLIA?
Yaʼan uxpʼe:
Mach u yeleʼ umpʼe kosa i de yaʼi ke mach kaini. Ni Biblia u tsʼíbijob komo kuarenta winikob tan umpʼe tiempu de mil seiscientu añu. Anke u kʼenan de unejob mach u chubajob konocé, ni Biblia mach u yeleʼ umpʼe kosa i de yaʼi ke mach kaini i solo umpʼe chi tema u chen seguí.
Bajka u tsʼíbijob u yelijob tu tojá. Ni winikob mach u tsʼajkujob te u seteob umpʼe buya ta u kajob. Peru, bajka u tsʼíbijob ni Biblia mach u mukijob lu ke mach tu tojá u chijob i cheʼchi ta u kajob (2 Crónicas 36:15, 16; Salmo 51:1-4).
U profecía u toan. Tʼo setecientu añu de tiempu ni Biblia u yeli ke ni aj Mesías ke uti prometé u je tɨ pɨnkɨbin tɨ Belén, umpʼe chʼok kaj tan ni kaʼb tɨ Judá (Miqueas 5:2). ¿Kɨda pɨnkɨbí ni aj Jesús? Tan jimba kaj jini (Mateo 2:1-6).
Otro profecíajob de ni Biblia u chi-uba kumplí u pete de lu ke ɨlkintik. ¡Jín a kɨ pitɨnla de ni u tʼan Dios! (2 Pedro 1:21).
KʼATEN ABA
¿Kácheʼda puede u tɨk-lenet u tʼan ni Dios?
U pʼalinte tɨ ISAÍAS 48:17, 18 i 2 TIMOTEO 3:16, 17.