Mwittir Apwénúetá

Seni ewe fansoun a fférsefál napanapen ach Web site, a kon chómmóngóló chókkewe ra tingor wóón Internet ar repwe káé Paipel. Chómmóng ra pwal tingor repwe káé pokiten ach féri ekkewe mineféén alen afalafal ngeni chómmóng aramas. Ewe keangen ofesilap a mwittir angang wóón ekkena tingor. Áwewe chék, ika eú tingor a feito seni jw.org, fán chómmóng, mwirin chék ruu rán ewe keangen ofesilap epwe esilei ngeni ekkewe mwán mi ásimaw usun ena emén mi mochen káé Paipel lón ar na leenien afalafal. Iwe nge, ekkewe pwóróus seni ewe angangen afalafal a affata pwe ekkóch me lein ekkena ra tingor ar repwe káé Paipel, ese wor emén a chuuriir mwirin fitu wiik. Ifa usun sipwe túmúnú pwe epwe mwittir fis ena káéén Paipel me mwen repwe chipwangeló?​—Mark. 4:14, 15.

Ika emén mi pwapwaiti le aúseling nge ese nónnóm lón óm we leenien afalafal, mwittir amasoua ewe taropween Please Follow Up (S-43) me ngeni ewe seketeri lón na mwich mwirin chék óm amasoua ena taropwe. Mwirin chék eú are ruu rán, ewe seketeri itá epwe ngeni ewe mwichefel mi kkan ngeni ia ena emén a nónnóm ie are ewe keangen ofesilap ren an epwe áeá ewe Congregation tab lón jw.org. Mi lamot ekkewe mwán mi ásimaw repwe chechcheki ewe Web site iteitan. Nge ika ra angei ena esilesil ar repwe chuuri emén, iwe repwe mwittir apwénúetá. Ewe chón afalafal mi kefil an epwe wisen chuuri eménna epwe mwittir le chuuri. Ika ena emén ese nóm, neman epwe makkeei eché taropwe ngeni ika epwe ifa usun repwe chufengen.