Nunuwihe Ewodhelo Yehu Mmabasani a Olaleya​—Walaleye Attu Otene a Murudda Ottomeliwiwe

EKALELE NNI YAMAKAMAKA: Nivuhulo na Zakariya nihiloga mazu anoniha wi attu a malogo ottiyana-ttiyana agahirumela na murima wotene muselu wa muttaka wapama. (Zak 8:23) Bani ogasunzihile? (Rom 10:13-15) Iyo nihivahiwa gari ya olaba mabasa aba a wavuwihedha muselu wapama attu otene a mmuruddani muttomeliwehu olaleya.—od-T 84 ddima 10-11.

NINAKOSE DHAVI:

• Ovisasanyedha. Onogumanaga na attu anloga elogelo yottiyana na yawo? Akala onowafwanyaga, kadhowa mu JW Language app wi osunze mazu oromana olaleya. Obe ogakaana muttitto, kamulagihe mu jw.org mpaddi onafwanyiye muselu na elogelo yaye

• Okale namazinddiyela. Ogalaleyaga numba na numba, kuttiye walaleya abale amvira mudila peno abale animela ajeedhelaga elobo-txilobo. Ogattomiwa wi olabe vattaddo, ozuzumele mabasawo a ovaha onamoona

• Okale wotxenjerhene. Ogadhowa vatakulu va muttu ohinfwanyavo ovede labo nina na wiyelelawo. Okose guru wi ngafuna ologege na muttu mmodha vatakulu va anamuralaya, masiki okale mudhidhi wottiyana obe labo nottiyana. Muttu-muttu ohikaana mudhidhi onkaaliye wottugareyene.

• Ogomiha muruddaya. Oganfwanya muttu olagihile efunelo omwiyelele momaguva. Akala mwanamuralaya onloga elogelo yottiyana na yawo, kamutamele muttu onziwa elogeloya wi amukamihedhe. Odhowegevi bugamwiyelela muttuya ofiyedha onfwanya namalaleya onloga elogelo yaye.—od-T 94 ddima 39-40

KOONA VIDIYU PREGAR “ATÉ A PARTE MAIS DISTANTE DA TERRA” OGAMALA WANG’ANANIHE NA MAVUZO ABA:

• 

  Masasanyedho gani ankosa mbali na murogoraya wi afwanye attu a mmuruddani muttomeliwani? (1Kor 9:22, 23)

• 

  Awene anfwanya dhorutxa gani?

• 

  Anakela mareliho gani?

• Guru gani dhinfwanyeliwe okosa wi wafwanye attu otone a murudda onttomeliwiwe?