LESION 02

Bibliaba dachirãmaa kosa biarã neeruuɗebena jaraɓua, jãu kawaruu dachi biʼia ãrĩãdu sentibiɓua

Imprimipeɗaaɗa kĩrachaa unubii

Iɗibea ẽbẽrarã problemarã ãrĩã baraaduanuu, mauba ãchirã nomaa ãrĩã sentiɓea, ¿bichi siɗa jãka sentiɓuka? Ẽpermo ɓuu kakua o deeɗabena biubariɗa kakua, ¿bichia jãka duanuuɗebena jãɗakare aude biʼia nureaɗai kʉ̃risiabarika? Chi Bibliaba dachirã baita kĩrawãrea jaraɓua.

1. ¿Kãare beɗea kĩrawãrea ɓee Bibliaba jaraɓua?

Bibliaba biʼia jaraɓua sakayua problemarã ãrĩã barau mauɗe jaraɓua chi naarã problemarã nauɗe akababudau. Bibliaba dachirãmaa jaraɓuu “kĩrajʉʉ bibinureaɗai mauɗe nejoma kĩrawãrea ãrĩã ɓee neebudau” (Jeremías 29:11, 12 leas). Chi Bibliaba jaraɓuuba dachi kĩrajʉʉ nureabiɓua problemarã choroaɗai baita, nejoma biʼia ɓeeɗe kʉ̃risiaɗai baita mauɗe waaburu kĩrajʉʉ duanaɗayua.

2. ¿Kãare jaraɓua Bibliaba chi pasaruu ʉ̃rʉbena?

Bibliaba jaraɓua “dachirã biuɗai baɗa waa unuɗaabai, waa nomaa duanaabayua, jẽaɗawẽa ni puʼua siɗa sentiɗaabayua” (Apocalipsis 21:4 leas). Jambera iɗibena kĩra duanaɗaabayua, waaburu ẽpermaɗaabai, poore duanaɗaabai, jomaurã ara aɓau ɗausia duanaɗai, ni biuɗaabai. Bibliaba dachirãmaa jaraɓua nama iujãaɗe kĩrajʉʉ ãrĩã bibiduanaɗai maude iujãa siɗa kĩrawãrea ãrĩã ɓooɗe wãburuu mama aria.

3. ¿Kãareba ũkuru kereɓei ɓua chi Bibliaba jaraɓuu pasaruu ʉ̃rʉbena?

Ẽbẽrarã ãrĩãrãba ãchi bidaɗe nejoma biʼia ɓee pasabii kʉ̃riabadaa, maamina ãchia unupanuu neeɗakau. Bibliabara jaraɓuu naarã biʼia ãrĩãdu pasabaria. ¿Saka bichia kerei ɓua ariɗe chi Bibliaba jaraɓuu kumpliburuuɗebena? Dachirãba kawa estudiaɗarã chi Biblia ãrĩãdu kereɗayua ichia jaraɓuuɗe (Hechos 17:11). Biblia estudiaɗakare, bichia du aɓauba kawai chi ichia jaraɓuu ariɗe ɓuu o makawẽ ɓuu.

AUDE KAWABA

Kawaɗaika kãare ʉ̃rʉbena jaraɓuu Bibliaba chi pasaburuuɗebena, mauɗe nauba saka ẽbẽrarã ãrĩãdu aiɗaɓuu.

Diujorã: Potorã aribiadu ɓee saka bibinuree ʉ̃rʉbena mauɗe chi kãare pasaburuu ʉ̃rʉbena unubiɓuu. Naarã potorã waya unubiɓua uaɗore.

4. Bibliaba jaraɓuu dachirã biuɗawẽa nureaɗai

Ochias chi Bibliaba jaraɓuu kãare pasai ʉ̃rʉbena, ¿sãu aude bustaɓua, mauɗe sakayua?

Leas chi testo Bibliaɗebena ara jʉ̃kaa unuɓuurã mambea beɗeasturu nau ʉ̃rʉbena:

¿Naarã beɗea kĩrawãrearãba ũkuru dachi trankilo nibabiɓue? ¿Aiɗai ɓue deeɗabenarã mauɗe bichi amikorã baara?

Nauɗe kʉ̃risiachãu chi iujãa kĩrawãrea ɓuuɗe:

NI AƁA BIƊA...	JOMAURÃ...
... supriibayua, chõra baabayua ni biuɗawẽa (Isaías 25:8).	... duanaɗai deeɗabena biupeɗaaɗabaɗa waya piradrubudauɗe (Juan 5:28, 29).
... ẽpermaabai, jĩrũ siɗa nukadu ãdaabai, mauɗe dau berrea nibaabai (Isaías 33:24; 35:5, 6).	... biʼia ãrĩãdu ẽpermaɗawẽa duanaɗayua, ãchi kakuarã chaarea waya kũudrãarãɗe kĩra duanaɗai (Job 33:25).
... supriwẽa ɓoi waabenarãba ne kachirua asepanuu siɗa (Isaías 32:16, 17).	... chiko ãrĩã baraaduanaɗai, dee siɗa kĩrawãrea ɓee mauɗe kĩrajʉʉ ãrĩã duanaɗayua (Salmo 72:16; Isaías 65:21, 22).
... kerraɗeeba akawa supriibai (Salmo 46:9).	... pas iɗaa duanaɗayua (Salmo 37:11).
... nomaa akoɓoobayua ichimaa ne miaɗaa pasaɗa kakua (Isaías 65:17).	... aribiaburu duanaɗai biuɗawẽa (Salmo 37:29).

Warracheke naeɗe ẽpermakeraɗabaɗa jambera biʼia alentapeɗa akuɓuu chi dana buru akunuɓuu.

Mukĩra naeɗe chõra nibaɗa jambera kũudrãa bapeɗa mambea ichia karrocheke berdura ãrĩã bara unii urtu ʉ̃rʉɓuu.

5. Chi Bibliaba dachirãmaa jaradeaɓuuba biʼia ãrĩãdu nureabiɓua

Ẽbẽrarã ãrĩãrãba nomaa sentibadau mauɗe asta kĩruduanabarii problemarã ãrĩã barau kakua, chi nuree bereka arreklabadau chi jãarã problemarã. Ochias saka chi Bibliaba mipitaa ãrĩã jaraɓuuba ẽbẽrarã ãrĩãdu aiɗakuarua. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Mʉ ãrĩãdu minkaɗaa wãbachii waaburu chi niorrorã ãrĩã miaɗaa aseduanuu waa asebiimaba (4:07)

Potorã: Parte bideoɗebena unubiɓuu “Mʉ ãrĩãdu minkaɗaa wãbachii waaburu chi niorrorã ãrĩã miaɗaa aseduanuu waa asebiimaba”. 1. Rafika ichi chuburi nibasiiɗe drua alkodon uupeɗaabaɗamaa trajakãrii ichi kĩra niorrorã nuree ome. 2. Rafika primera bes asambleaɗaa wãaruu chi Jeowa ʉ̃rʉbena jaranureabariiɗeɗaa ãrĩãdu kĩrajʉʉsii ichia ẽbẽrarã joma ara ambua duanuurã unusii chi torna, niorrorã ẽbẽranureeɗeeɗa.

Chi bideo unubisiiba, ¿sakayua Rafika ãrĩã preokupaɓoosaa?
¿Rafika saka aiɗasaa Bibliaba, ichia ochiaɓuuɗe chi niorrorã ara maka umiyaɗapeɗa o puʼua wauduanuu unuɓuuɗe?

Beɗearã kĩrawãrea ãrĩã jaraɓee Bibliaɗe eɗa duanuuba, ¿bichi ũkuru biʼia bibiɗe kereɓue? Proverbios 17:22 mauɗe Romanos 12:12 leaɗapeɗa, mambea nau ʉ̃rʉbena beɗeasturu:

Iɗibea Bibliaba kĩrawãrea beɗeaɓuuɗeeba, ¿jãuba bichi aude biʼia bibinibabii ɓue? ¿Sakayua?

CHI NUREE ẼBẼRARÃBA NAKA JARABADAA: “Chi nuree ẽbẽrarãba Bibliaɗe jari mipitaa ãrĩã jaraɓuu pasaburuu ʉ̃rʉbena, setaa jaraɓuu” abadau.

¿Sakayua biʼia ãrĩã ɓua Bibliaɗe chi kosa biarã urubudau pasaburuu ʉ̃rʉbena estudiayu?

NAU KAWASIƊAA

Bibliaba jaraɓuu dachirã kĩrajʉʉ ãrĩãdu nureaɗai mauɗe jãuba dachirã biʼia ãrĩãdu sentibiɓua, kĩra nomaa akuduanuɗawẽa, bariara problema baraduanuu adua.

Waya berreaɗaika

¿Sakayua ẽbẽrarãba kuitaaɗai nesitapanaa Dachi Akõreba jaraɓuu chi pasaruu ʉ̃rʉbena?
¿Kãare jaraɓua Bibliaba chi pasaburuu ʉ̃rʉbena?
¿Sakayua ara ɓua bichia kʉ̃risiayua iɗibea chi joma bia neeburuuɗebena?

¿Sakaeɗe nau lesion estudiasaa?

Nau aseba

Chi Bibliaba jaraɓuu kãare pasai ʉ̃rʉbena waya leaba, bichi boroɗe ɓeeyua.

Nau siɗa aseba:

Your other goal

NAU OCHIAS MAUCHABURU KAWAYUA

Leas sakayua biʼia ɓuu bichia kuitaayu kosarã biʼia ɓee urubudau ʉ̃rʉbena.

“¿Saka unuɗaiba chi kĩrawãrea ãrĩã ɓuu uruburuu?” (¡Despertad!, 22 abrilɗe 2004ɗebena)

Kawas saka chi ẽpermo keɗeerã aiɗaɓuu ãchia kuitaapanuu kosarã biarã urubudauba.

“¿Bibliaba dachi ũkuru ẽpermo kiruu choroabii ɓue?” (Artikulo jw.org ɗebena)

Bichia chi bideo ochiapeɗa mauɗe chi kansion ũriruuɗe, bichia deeɗabenarã baare ochias saka kĩrajʉʉ nibai ɓuu chi iujãa kĩrawãrea kiruuɗe, Bibliaba jaraɓuu kĩra.

Chi iujãa wiɗiɗe kʉ̃risiayu (3:37)

Leas ẽbẽra nii ʉ̃rʉbena saka chi nauba waabenarã aiɗayua minkaɗaa wãbachii, mambea ichia kawasii Bibliaba saka aɓuu chi pasaruu ʉ̃rʉbena.

“Jambaera mʉa nau iujãa kambiabii baita kʉ̃risiawẽ” (Chi Kartaba, 1 julioɗe 2013ɗebena)