BEƊEA ERDAUBA
LECCIÓN 6
Perawẽa beɗeaba
Bibliaba naka jara ɓuu: “Dachi Akõreba dachi sõbiabiasii ichi beɗea bia machimaa wapeawẽa jaradeaɗamera” (1 Tes. 2:2).
Chi Jesusba aseɗa
1. VIDEO ochias maebʉrã Lucas 19:1-7 leas. Maabea nauɗe kʉ̃risiaba:
¿Sakayua chi nuree ẽbẽraba meraa kʉ̃riaɗaabasaa Zaqueo ome?
Ẽbẽrarãba Zaqueo ʉ̃rʉbena kachirua kʉ̃risiabachiɗamina, ¿sakayua Jesusba jaradeaɗaba Zaqueomaa?
¿Kãare kawa panaa Jesusba aseɗa?
2. Jomaurã ẽbẽrarãmaa Bibliaɗebena jarai baita, peraɗawẽa beɗeaɗayua.
Jesusba aseɗa kĩra aseba
3. Kawaba Jeowaba bichi aiɗayu. Chi Dachi Akõre Jauriba Jesús chaareabisia jaradea nibai baita, mauɗe bichi siɗa chaarea nibabiyua (Mat. 10:19, 20; Luc. 4:18). Wiɗiba Jeowamaa aiɗai baita perawẽa beɗea nibayua (Hech. 4:29).
4. Ẽbẽra jomaurãmaa jaradeaba, perabiɗai nureemaa biɗa. Ɓesɗe dachia jaradeai kʉ̃riakaa chi ẽbẽra ropa diwara jʉ̃ niiɗeeba, chi nejarra ãrĩã bara niiɗeeba, akawa wãʼãe niiɗeeba, maebʉrã junebena religión bara niiɗeeba. Maka ɓumina nauɗe kʉ̃risiaba:
Jeowa Jesús omeburu ochiaɗayua chi corazón ẽbẽraɗe, dachiarawẽma.
Ẽbẽra Jeowaɗebena kawa kʉ̃ria nii, ichia chuburia unupeɗa aiɗabaria kawayua.
5. Perawẽa beɗeaba, maamina kĩru nibarã́ba (Mat. 10:16). Respeto iɗaa beɗeapeɗa pelearã́ba. Chi ẽbẽraba ũri kʉ̃riawẽa mauɗe ãrĩã kĩruburuubʉrã, respeto iɗaa beɗeapeɗa, jãɗakare unuɗaika apeɗa wãba (Prov. 17:14).