WAYA BEƊEAƊE WÃBA
LECCIÓN 7
Kapichia ochiaɗe wã koɓeeba
Bibliaba naka jara ɓuu: “Apii ɓari noɓeewẽa, waaburu jaradea duaneesia chi beɗea bia” (Hech. 5:42).
Chi Pabloba aseɗa
1. VIDEO ochias maebʉrã Hechos 19:8-10 leas. Maabea nauɗe kʉ̃risiaba:
Chi nureeba ũri kʉ̃riaɗaabasmina Pabloba jaradea nii, ¿saka kuitaa panaa ichia ara maka jaradea ɓeeɗa?
¿Sãabecha beɗeabachaa Pablo chi beɗea kʉ̃riaduu ome, mau sãabeɗaa jaradeaɗaba?
¿Kãare kawa panaa Pabloba aseɗa?
2. Waya beɗeayua chi kawa kʉ̃ria nureerã ome mauɗe ãchimaa semanacha jaradea koɓeeyua, tiempo sacaɗayua ãchi jʉrʉ wã nibayua, bariara unuɗawẽe siɗa maebʉrã ocupa kuɓuu adua.
Pabloba aseɗa kĩra aseba
3. Wãba chi ẽbẽramaa ichia irsibii aaruumaa. Nauɗe kʉ̃risiaba: “¿Sakaya ichi mʉ ome beɗeai ɓubaama? ¿Sama kʉ̃ria ɓubaama unuɗai baita?” Ichia mau horaka neese aburuuɗe, bariara bichi baita poyaabai baɗa siɗa wãyua.
4. Wiɗiba waya sakaya beɗeaɗai ɓuu. Wãi naeɗe chi ẽbẽra ome beɗeaba kãare diaɗe, kãare horaɗe mauɗe sama waya unuɗai ɓuu. Chi ẽbẽramaa bari esperabirã́ba.
5. Ida ɓurã́ba chi ẽbẽra ochiaɗe wãyua. Kʉ̃risiarã́ba chi ẽbẽraba maucha kawa kʉ̃riawẽe, ichi unuubasii maebʉrã ichi ocupa kuɓuuɗeeba (1 Cor. 13:4, 7). Waaburu jʉrʉba unuburuuɗaa. Chi ẽbẽra unuwẽebʉrã, junebena ome biɗa beɗeayua (1 Cor. 9:26).