WAYA BEƊEAƊE WÃBA
LECCIÓN 8
Kĩrukaraarã́ba
Bibliaba naka jara ɓuu: “Waabenarã ẽbẽra kʉ̃ria niibʉrã, kĩrukaraa nibakaa” (1 Cor. 13:4).
Chi Jesusba aseɗa
1. VIDEO ochias maebʉrã Juan 7:3-5 mauɗe 1 Corintios 15:3, 4, 7 leas. Maabea nauɗe kʉ̃risiaba:
¿Naeɗe chi Jesús ãbarãba kãare kʉ̃risiabachiɗaa ichiɗe?
¿Saka kawa panaa Jesusba kʉ̃risiabasii chi ãba Santiagoba akawa ijãawẽebai nii ichiɗe?
¿Kãare kawa panaa Jesusba aseɗa?
2. Chi nureeba isa kawa adaubadaa chi Bibliaɗebena mauɗe chi nuree ãrĩã demorabadaa, mauɗeebiɗa kĩrukaraaɗaabayua.
Jesusba aseɗa kĩra aseba
3. Kʉ̃risiaba saka kawabiyu. Chi niiba semanacha Bibliaɗebena kawa kʉ̃riawẽebʉrã, ãrĩã jara ɓeerã́ba. Ichimaa video maebʉrã kartarã unubii ɓua kawabii baita saka Bibliaɗebena semanacha jaradeabadau mauɗe saka ichi baita jãu biʼia ɓua.
4. Kʉ̃risiarã́ba joma araɓau nuree. Ẽbẽra aɓaaɓaa diwara nurea. Junebena ẽbẽra maebʉrã deɗabenaba chi Bibliaɗebena semanacha kawa kʉ̃riawẽebʉrã, maebʉrã ijãa kʉ̃riawẽebʉrã dachia jara nii Bibliaɗebena, kʉ̃risiaba sakayua jãka pasa ɓuu. ¿Chi ẽbẽraba ãrĩã ijãa nika ichimaa kawabipeɗaaɗa baɗa chi religión niiɗebena? ¿Deɗabenaba maebʉrã comunidadɗebenaba ijãarã́baɗa a panuubʉrã? Ida kʉ̃risiabiba chi beɗeasiɗauɗebena ijãai baita Bibliaba jara ɓuu.
5. Jeowa ome beɗeaba ẽbẽra ʉ̃rʉbena. Wiɗiba Jeowamaa kachirua kʉ̃risiamaaba ẽbẽra ʉ̃rʉbena mauɗe respeto iɗaa beɗeayua ichimaa. Mauɗe wiɗiba Dachi Akõremaa bichimaa kawabiyua sakaya ida ɓui ɓuu jaradeayu chi ẽbẽra kawa kʉ̃riawẽebʉrã (1 Cor. 9:26).