LESION 45
¿Sakayua dachi politicaɗe mauɗe guerraɗe nibaɗakau?
Jesusba kawabiaɗa baɗa ichi kaaɗe ãda nureerã “nau iujãaɗebenawẽe” (Juan 15:19). Mauba jara kʉ̃ria ɓuu, ãchi politicaɗe mauɗe guerraɗe nau iujãaɗe nibaɗaabayua. Maka ɓumina fácil ɓuuwẽe mau aseyua. Dachi ʉ̃rʉbena siɗa atua jaraɗai ɓua mau kakua. ¿Saka dachi politicaɗe mauɗe guerraɗe nibaɗaabayua Jeowa ome jipaburu nibai baita?
1. ¿Kãare kʉ̃risia panaa chi cristianorã ariɗe nureerãba kobierno ẽbẽrarãɗebena?
Chi cristianorãba respeta nurea chi kobiernorã. Jesusba jaraɗa baɗa: “Pásturu Cesarmaa chi Cesarɗe”. Jãuɗeeba dachirãba chi ley kobiernorãɗe jarabadau kĩra asebadaa paaɗayua chi ãchia wiɗi panuu (Marcos 12:17). Chi Bibliaba jaradea ɓuu, chi kobiernorã ẽbẽrarãɗe kobernamaa ɓuu, Jeowaba idaarabi ɓuuɗeeba (Romanos 13:1). Mauɗeeba dachia kʉ̃risiabadaa chi autoridad naarã kobiernorãɗe aude nureewẽe, Dachi Akõredu aude ɓuu. Dachirãba ariɗe kʉ̃risia duanuu Dachi Akõre ichi Kobierno ʉtʉbenaɗeeba joma problema ẽbẽrarãɗe solucionayua.
2. ¿Saka unubi panua dachi politicaɗe mauɗe guerraɗe nibaɗakau?
Jesús kĩraka, dachirã politicaɗe nureaɗakaa. Ẽbẽrarãba milagro Jesusba asesii unusiɗauɗe, ichi rey nau iujãaɗe babii baita kʉ̃riasiɗaa, ichiara idaarabiibasii (Juan 6:15). ¿Sakayua? Mau kaaɗe ara ichia jaraɗa baɗa: “Mʉ Kobierno cha nau iujãaɗebenawẽe” (Juan 18:36). Dachi Jesús kaaɗe ãda nureerã bẽrã, guerraɗaa wãuriɗakau (Miqueas 4:3 leas). Bariara dachirãba respeta nuremina chi bandera, mau kʉ̃riaɗakau Dachi Akõre kʉ̃riabadau kĩra (1 Juan 5:21). Dachi partido politicoɗebena nibaɗawẽe mauɗe atua jaraɗawẽe nauɗebena ni candidato aɓa ɓuu ʉ̃rʉbena biɗa. Nau aseeduuba unubi panuu dachi jipa duanuu Dachi Akõre Kobierno omeburu, jãu kobierno ichia kuɓusii bẽrã.
AUDE KAWABA
Kawaɗayua sakayua fácil ɓuuwẽe politicaɗe mauɗe guerraɗe nibaɗaabayua mauɗe ochiaɗaika saka chi bichia aseeruuba Jeowa kĩrajʉʉbiyua.
3. Chi cristianorã ariɗe nureerã politicaɗe mauɗe guerraɗe nibaɗakau
Jesús ichi kaaɗe ãda nureerã omeeba biʼia asesiɗau. Romanos 13:1, 5-7 mauɗe 1 Pedro 2:13, 14 leábaɗa. BIDEO ochiaɗapeɗa, mambea nau ʉ̃rʉbena beɗeasturu:
¿Sakayua dachia chi autoridad respetaɗayuba?
¿Saka dachirãba unubibadaa respeta panuu chi autoridad?
Guerra asebadauɗe, chi nuree puururãba jara panuu nau guerraɗe nureaɗakaa, maka ɓumina chi peliabadaurã aiɗabadaa. ¿Jãarãba ariɗe ase panue? Juan 17:16 leábaɗa. BIDEO ochiaɗapeɗa, mambea nau ʉ̃rʉbena beɗeasturu:
¿Saka politicaɗe mauɗe guerraɗe nibaɗaabayua?
Ɓesesɗe chi nuree kobiernorãba obligabadau ẽbẽrarãmaa chi Dachi Akõreba bustaka ɓuu aseyua. ¿Kãare aseɗaiba jãka pasaaruuɗe? Hechos 5:28, 29 leábaɗa. BIDEO ochiaɗapeɗa, mambea nau ʉ̃rʉbena beɗeasturu:
Chi ley ẽbẽraɗebenaba Dachi Akõreba bustaka ɓuu asei jara ɓuubʉrã, ¿kaidu ũri nibayua?
¿Kʉ̃risiai ɓue sakayua chi cristianorãba chi autoridad nureerãba jarabadaa ũriɗaabayua?
4. Politicaɗe mauɗe guerraɗe nibarã́ba chi bichia kʉ̃risiapeɗa aseeruuba
1 Juan 5:21 leábaɗa. BIDEO ochiaɗapeɗa, mambea nau ʉ̃rʉbena beɗeasturu:
¿Sakayua Ayenge politicaɗe eɗaa niba kʉ̃riaabasaa, mauɗe reuniorã bandera saluabudauɗe wãwẽa koɓeesaa?
¿Bichia kʉ̃risia ɓue ichia biʼia asesii?
¿Kãare maucha pasai ɓua dachirã politicaɗe mauɗe guerraɗe nureewẽe unubiɗai baita? BIDEO ochiaɗapeɗa, mambea nau ʉ̃rʉbena beɗeasturu:
¿Kãare aseɗaabaiba diwara puururãɗebena jemeneɗe wãbudauɗe?
¿Saka politicaɗe nureaɗaabaiba bariara chi ãchia asebadau biʼia ɓuu maebʉrã miadaa ɓumina dachirã baita?
Chi dachia unu panuu noticiaɗe mauɗe chi waabenarã dachi jʉ̃kaa duanuurãba jara panuu, ¿maarãba saka dachi ãi kʉ̃risiabi ɓuu política mauɗe guerraɗebena?
¿Saka chi cristiano niiba unubii ɓuu ichi politicaɗe mauɗe guerraɗe nibawẽe ichia kʉ̃risiapeɗa aseeruuba?
CHI NUREE ẼBẼRARÃBA NAKA WIƊIBADAA: “¿Sakayua bichia bandera ʉtʉ jirawẽa mauɗe chi himno puuruɗebena kariwẽa koɓeebaraa?”.
¿Bichia saka panaui ɓua?
NAU KAWASIƊAA
Chi cristianorã ariɗe nureerã bereka panuu politicaɗe nibaɗaabayua, mauba unubibadaa chi ãchia kʉ̃risiaɗapeɗa, jaraɗapeɗa mauɗe ase duanuu.
Waya berreaɗaika
¿Kãare aseɗayuba dachirã chi kobierno ẽbẽrarã ome?
¿Sakayua dachi politicaɗe nibaɗakau?
¿Kãare maucha pasai ɓua dachirã politicaɗe mauɗe guerraɗe nureewẽe unubiɗai baita?
NAU OCHIAS MAUCHABURU KAWAYUA
¿Kãare ida ɓuɗaiba politicaɗe mauɗe guerraɗe nibaɗaabayua?
¿Kãare chi deɗabenarãba naa aseɗai ɓuu politicaɗe mauɗe guerraɗe nibaɗaamaaba?
Chi reunión ẽbẽrarãba asebudauɗe politicaɗe mauɗe guerraɗe nibaɗaabayua (4:25)
Chi nuree ẽbẽrarã baita, ãchi puuru defendeyu aude biʼia ɓua, ¿maamina mau ariɗe ɓue?
¿Saka unubi panaa dachia aseɗakaa ẽbẽrarãba nau iujãaɗebena kĩra trajo jʉrʉburuuɗe?
“Dachi aɓaaɓaa kauwa kʉ̃risiabaraaɗai chi aseeruuɗebena” (Chi Kartaba, 15 marzoɗe 2006ɗebena)