Campà cù una malatìa crònica : a Bìbbia ci pò aiutà ?

Risposta di a Bìbbia 

Iè. Diu si primureghja di i so aduratori malati. Tucchendu unu di elli, si leghje ind’a Bìbbia : « Ghjehova u sustenerà [...] mentre a so malatìa » (Salmu 41:3). S’è vo campate cù una malatìa crònica, i trè punti quì sottu vi pònu aiutà :

1. Dumandate à Diu a forza di suppurtà a situazione. Pudete riceve « a pace di Diu chì supraneghja ogni intelligenza ». Gràzia à ella, serete di menu impenseritu è suppurterete megliu a malatìa (Filippesi 4:6, 7).

2. Circate à esse pusitivu. A Bìbbia dice : « Un core alegru hè un bon rimèdiu, ma un ispìritu abbattutu secca l’osse » (Pruvèrbii 17:22, a Sacra Bìbbia C. Dubois). Ùn sìate micca troppu sèriu, circate à ride, à scherzighjà. Appena d’umurìsimu v’aiuterà à sdramatizà è ferà ancu prò à a vostra salute.

3. Rinfurzate a vostra speranza in l’avvene. Una speranza forte pò aiutavvi à rallegravvi malgradu una malatìa crònica (Rumani 12:12). Secondu a Bìbbia, da quì à pocu avemu da campà un’èpicà induve « nisun abitante dicerà : “Sò malatu” » (Esàia 33:24). Tandu Diu guariscerà tutt’e malatìe cròniche chì a scienza muderna ùn hà sappiutu truvà rimèdiu. Per indettu, invece d’invechjà s’inghjuvaniscerà, cum’è l’accerta a Bìbbia : « a so carne serà più fresca ca in la zitellina ; vulterà à i ghjorni di a so giuventù » (Ghjobbe 33:25, Darby).

Nota : Ancu s’elli sò cunvinti chì Diu l’aiuta, i Testimoni di Ghjehova adròpranu trattamenti medicali per curà e malatìe cròniche (Marcu 2:17). Ma, ùn arricumàndanu nisuna terapìa in particulare ; per elli ghjè à ognunu di fà a so scelta.