ᑖᓂᓯ ​ ᑭᔭ ​ ᐁ ᐃᓯ ᐚᐸᐦᑕᒪᐣ ​ ᓃᑳᐣ ​ ᑲ ᐑ ᐃᐢᐸᔨᐠ?

ᑭᐦᒋ ᒪᓯᓇᐦᐃᑲᓂᕽ ​ ᐃᑕᐢᑌᐤ

“ᑭᓭᒪᓂᑐ . . . ᐁᑯᓯ ​ ᑭᑕ ​ ᑳᓯᐊᒭᐤ ​ ᑲᐦᑭᔭᐤ ​ ᐅᐦᒋᑲᐚᐱᐏᐣ ​ ᐅᐢᑭᓯᑯᐘᕽ ​ ᐅᐦᒋ; ​ ᒥᓇ ​ ᓂᐳᐏᐣ ​ ᑭᑕ ​ ᓇᒪᑕᑿᐣ; ​ ᓇᒪᐏᔭ ​ ᒥᓇ ​ ᑭᑕ ​ ᐃᐦᑕᑿᐣ ​ ᐱᑵᔨᑕᒧᐏᐣ, ​ ᐊᐦᐳ ​ ᒫᑐᐏᐣ, ​ ᐊᐦᐳ ​ ᐏᓴᑫᔨᑕᒧᐏᐣ; ​ ᐊᔨᐢ ​ ᐊᓂᐦᐃ ​ ᓂᐢᑕᒼ ​ ᑳ ​ ᑭ ​ ᐊᔮᑭ ​ ᐁᑿ ​ ᐳᓂᐸᔨᐘ.” ​ ᑭᐢᑫᔨᐦᑖᑯᐦᑫᐏᐣ 21:3, 4, ​ ᑲᓈᒋ ​ ᑭᐦᒋ ​ ᒪᓯᓇᐦᐃᑲᐣ᙮

ᑮᒁᐩ ​ ᒫᑲ ​ ᐊᓂᒪ ​ ᑭᑕ ᐃᑘᒪᑲᕽ ​ ᑭᔭ ​ ᐅᐦᒋ

ᐁ ᓲᐦᑫᔨᐦᑕᒥᕽ ​ ᐁᑿ ​ ᐁ ᒥᔰᔨᐦᑖᒥᕽ ​ ᐊᑐᐢᑫᐏᐣ᙮ ​ ᐊᐩᓵᔭ 65:21–23᙮

ᓇᒨᔭ ​ ᐊᔨᐚᐠ ​ ᐋᐦᑯᓯᐏᐣ ​ ᐁᑿ ​ ᑲᒁᑕᑭᐦᑖᐏᐣ᙮ ​ ᐊᐩᓵᔭ 25:8; ​ 33:24᙮

ᒥᔰᔨᐦᑕᒧᐏᐣ, ​ ᑳᑭᑫ ​ ᐱᒫᑎᓯᐏᐣ ​ ᐊᓯᒋ ​ ᐊᓂᑭ ​ ᑳ ᓵᑭᐦᐋᒋᐠ ​ ᐁᑿ ​ ᑭᐑᒉᐚᑲᓇᐠ᙮ ​ ᓂᑲᒧᓇ 37:11, 29᙮

ᑲ ᑮ ᑖᐻᐦᑌᓇᐤ ​ ᒌ ​ ᑫᐦᒋᓈ ​ ᑳ ᐃᑘᕽ ​ ᑭᐦᒋ ᒪᓯᓇᐦᐃᑲᓂᕽ?

ᐁᐦᐊ, ​ ᐃᓯ ​ ᓃᓱ ​ ᐃᑌᔨᐦᑕᒧᐏᓇ:

• ᑭᓭᒪᓂᑐᐤ ​ ᑲᐢᑭᐦᑖᐤ ​ ᑲ ᑮᓯᐦᑖᐟ ​ ᐅᑕᓱᑕᒫᑫᐏᐣ᙮ ​ ᑭᐦᒋ ᒪᓯᓇᐦᐃᑲᓂᕽ, ​ ᒋᐦᐋᐘ ​ ᑭᓭᒪᓂᑐᐤ ​ ᐏᔭ ​ ᐳᑯ ​ ᑳ ᒫᐘᒋ ᒪᐢᑲᐏᓰᐟ᙮ ​ (ᑭᐢᑫᔨᐦᑖᑯᐦᑫᐏᐣ 15:3) ​ ᒋᑫᒫ ​ ᐏᔭ ​ ᑲ ᑮᓯᐦᑖᐤ ​ ᑭᑕ ᑲᓇᐍᔨᐦᑕᕽ ​ ᐅᑕᓱᑕᒫᑫᐏᐣ ​ ᒦᓇ ​ ᑲ ᒣᐢᑯᑎᓇᕽ ​ ᑭᑕᐢᑮᓇᐤ ​ ᑭᑕ ᓇᐘᐨ ᒥᔼᓯᓂᔨᐠ᙮ ​ ᐁᑯᓯ ​ ᑭᐦᒋ ᒪᓯᓇᐦᐃᑲᓂᕽ ​ ᐃᑕᐢᑌᐤ, ​ “ᒫᑲ ​ ᐏᔭ ​ ᑭᓭᒪᓂᑐ ​ ᑲᐦᑭᔭᐤ ​ ᑫᑿᐩ ​ ᐍᑕᓂᔨᐤ.” ​ ᒫᐟᔪ 19:26᙮

• ᑭᓭᒪᓂᑐᐤ ​ ᓂᑕᐍᔨᐦᑕᒼ ​ ᑲ ᑮᓯᐦᑖᐟ ​ ᐅᑕᓱᑕᒫᑫᐏᐣ᙮ ​ ᑭᓭᒪᓂᑐᐤ ​ ᓂᑕᐍᔨᐦᑕᒼ ​ ᑭᑕ ​ ᑳᐏ ᐱᒫᑎᓯᐦᐊᐟ ​ ᐊᔨᓯᔨᓂᐘ ​ ᑳ ᑮ ᓂᐱᒋᐠ᙮ ​ ᒍᑊ 14:14, 15᙮

  ᑭᐦᒋ ᒪᓯᓇᐦᐃᑲᐣ ​ ᑭᐚᐸᐦᑎᐦᐃᑯᓇᐤ ​ ᑭᓭᒪᓂᑐᐤ ​ ᐅᑯᓯᓴ, ​ ᒋᓴᐢ, ​ ᑮ ᓈᑕᐏᐦᐁᐤ ​ ᐊᓂᐦᐃ ​ ᑳ ᐋᐦᑯᓯᔨᐟ᙮ ​ ᑖᓀᐦᑭ ​ ᒫᑲ ​ ᐊᓂᒪ ​ ᑳ ᑮ ᐃᑑᑕᕽ? ​ ᐊᔨᐢ ​ ᐁ ᑮ ᓂᑕᐍᔨᐦᑕᕽ᙮ ​ (ᒫᕒᐠ 1:40, 41) ​ ᒋᓴᐢ ​ ᒣᑐᓂ ​ ᑿᔭᐢᐠ ​ ᓇᐢᐱᑕᐍᐤ ​ ᐅᐦᑕᐏᐘ ​ ᑳ ᐃᓯ ᐑᒋᐦᐋᐟ ​ ᐊᓂᑭ ​ ᑳ ᑭᑎᒫᑭᓯᔨᐟ᙮ ​ ᒑᐣ 14:9᙮

  ᐁᑯᓯ ​ ᑭᑲ ᑫᐦᒋᓈᐦᐅᓇᐤ ​ ᐁ ᓃᓯᒋᐠ ​ ᒋᐦᐋᐘ ​ ᒦᓇ ​ ᒋᓴᐢ ​ ᑭᑕ ᐑᒋᐦᐃᑯᓇᐘᐠ ​ ᑳ ᒥᔰᔨᐦᑕᒪᕽ ​ ᐆᑌ ​ ᓃᑳᐣ ​ ᑳᑭᑫ! ​ ᓂᑲᒧᓇ 72:12–14; 145:16; 2 ᐱᑕᕒ 3:9᙮