ᑮᒁᐩ ​ ᐆᒪ ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ?

ᑭᐦᒋ ᒪᓯᓇᐦᐃᑲᓂᕽ ​ ᐃᑕᐢᑌᐤ

“ᑭᓭᒪᓂᑐ ​ ᑭᐦᒋᑭᓯᑯᕽ ​ ᑳ ​ ᐊᔮᐟ ​ ᑭᑕ ​ ᐅᔭᐢᑖᐤ ​ ᑭᐦᒋᐅᑭᒪᐏᐏᐣ, ​ ᐁᑳ ​ ᐏᑳᐨ ​ ᑫ ​ ᓂᓯᐘᓈᑕᕽ.” ​ ᑖᓂᐁᓬ 2:44, ​ ᑲᓈᒋ ​ ᑭᐦᒋ ​ ᒪᓯᓇᐦᐃᑲᐣ᙮

“ᑭᔮᓇᐤ ​ ᑭ ​ ᒥᔨᑲᐏᓇᐤ ​ ᐅᑯᓯᓯᒫᐤ; ​ ᐁᑯᓯ ​ ᐅᔭᓱᐍᐏᑭᒫᐏᐏᐣ ​ ᐅᑎᐦᑎᒪᓂᕽ ​ ᑭᑕ ​ ᐊᔮᔨᐤ.” ​ ᐊᐩᓵᔭ 9:6᙮

ᑮᒁᐩ ​ ᒫᑲ ​ ᐊᓂᒪ ​ ᑭᑕ ᐃᑘᒪᑲᕽ ​ ᑭᔭ ​ ᐅᐦᒋ

• ᑿᔭᐢᑭᑖᑎᓯ ​ ᑭᐦᒋ ᐅᑭᒫᐏᐏᐣ ​ ᑲ ᐑᒋᐦᐃᑯᐣ ​ ᑭᔭ᙮ ​ ᐊᐩᓵᔭ 48:17, 18᙮

• ᐆᒪ ​ ᑭᑕ ᐃᐦᑕᑿᐣ ​ ᐅᐢᑭ ​ ᐊᐢᑮᕽ, ​ ᐱᒫᑎᓯᐏᐣ ​ ᒣᑐᓂ ​ ᒥᔪᒪᐦᒋᐦᐅᐏᐣ ​ ᐁᑿ ​ ᒥᔰᔨᐦᑕᒧᐏᐣ᙮ ​ ᑭᐢᑫᔨᐦᑖᑯᐦᑫᐏᐣ 21:3, 4᙮

ᑲ ᑮ ᑖᐻᐦᑌᓇᐤ ​ ᒌ ​ ᑫᐦᒋᓈ ​ ᑳ ᐃᑘᕽ ​ ᑭᐦᒋ ᒪᓯᓇᐦᐃᑲᓂᕽ?

ᐁᐦᐊ, ​ ᐃᓯ ​ ᓃᓱ ​ ᐃᑌᔨᐦᑕᒧᐏᓇ:

• ᒋᓴᐢ ​ ᑮ ᐚᐸᐦᑎᐦᐁᐤ ​ ᑮᒁᐩ ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ ​ ᑳ ᐑ ᑮᓯᐦᑖᐟ᙮ ​ ᒋᓴᐢ ​ ᑮ ᑭᐢᑭᓄᐦᐊᒪᐍᐤ ​ ᐅᐱᒥᑎᓴᐦᐚᑲᓇ ​ ᑭᑕ ᐊᔭᒥᐦᐁᐢᑕᒪᕽ ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ ​ ᑲ ᐯ ᐃᐢᐸᔨᐠ ​ ᐁᑿ ​ ᑭᓭᒪᓂᑐᐤ ​ ᐅᑌᔨᐦᑕᒧᐏᐣ ​ ᑲ ᑑᒋᑳᑌᐠ ​ ᐆᑕ ​ ᐊᐢᑮᕽ᙮ ​ (ᒫᐟᔪ 6:9, 10) ​ ᒋᓴᐢ ​ ᑮ ᐚᐸᐦᑎᐦᐃᐍᐤ ​ ᑖᓂᓯ ​ ᐊᓂᒪ ​ ᐊᔭᒥᐦᐋᐏᐣ ​ ᐁ ᐑ ᓇᐢᑯᒥᑳᑌᐠ᙮

  ᐃᐢᐲᕽ ​ ᐆᑕ ​ ᐊᐢᑭᐩ, ​ ᒋᓴᐢ ​ ᑮ ​ ᐊᓵᒣᐤ ​ ᐊᓂᐦᐃ ​ ᑳ ᓄᐦᑌᑲᑌᒋᐠ, ​ ᑮ ᓇᓈᑕᐏᐦᐁᐤ ​ ᐊᓂᐦᐃ ​ ᑳ ​ ᐋᐦᑯᓯᔨᐟ, ​ ᐁᑿ ​ ᑳᐏ ​ ᑮ ᐱᒫᒋᐦᐁᐤ ​ ᐊᓂᐦᐃ ​ ᑳ ᑮ ᓂᐱᔨᐟ! ​ (ᒫᐟᔪ 15:29–38; ​ ᒑᐣ 11:38–44) ​ ᓃᑳᐣ ​ ᑳ ᑎᐯᔨᐦᒋᑫᐟ ​ ᐃᓯ ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ, ​ ᒋᓴᐢ ​ ᑮ ᒣᑭᐤ ​ ᑳ ᒥᔪᓈᑿᕽ ​ ᐅᐦᒋ ​ ᐊᓂᒪ ​ ᑭᐦᒋ ᐅᑭᒫᐏᐏᐣ ​ ᐁ ᐑ ᐃᑑᑕᒫᑯᔭᕽ᙮ ​ ᑭᐢᑫᔨᐦᑖᑯᐦᑫᐏᐣ 11:15᙮

• ᒥᓯᐍ ​ ᐊᐢᑭᐩ ​ ᓇᓈᑐᕽ ​ ᐃᐢᐸᔨᓌ ​ ᐁᑿ ​ ᑖᐻ ​ ᑭᓭᒪᓂᑐᐤ ​ ᐅᑭᐦᒋ ᐅᑭᒫᐏᐏᐣ ​ ᐑᐸᐨ ​ ᑲ ᐃᐦᑕᑿᐣ᙮ ​ ᑭᓭᒪᓂᑐᐤ ​ ᐅᑯᓯᓴ ​ ᒋᓴᐢ ​ ᑮ ᓃᑳᓂ ᐑᐦᑕᒼ, ​ ᐹᒷᔦᐢ ​ ᑭᐦᒋ ᐅᑭᒫᐏᐏᐣ ​ ᑳ ᐯᑖᐟ ​ ᐯᔮᐦᑕᑫᔨᒧᐏᐣ ​ ᐆᑕ ​ ᐊᐢᑭᐩ, ​ ᑭᑕᐢᑮᓇᐤ ​ ᒥᓯᐍ ​ ᑲᒁᑕᑭᐦᐃᑯᓇᐤ ​ ᐃᓯ ​ ᓅᑎᓂᑐᐏᐣ, ​ ᓄᐦᑌᑲᑌᐏᐣ, ​ ᐁᑿ ​ ᑲ ᓇᓇᒼᐸᔨᐣ ​ ᐊᐢᑭᐩ᙮ ​ ᒫᐟᔪ 24:3, 7᙮

  ᑭᐚᐸᐦᑌᓇᐤ ​ ᐆᐦᐃ ​ ᐁ ᐃᐦᑕᑿᐦᑭ ​ ᐊᓄᐦᐨ᙮ ​ ᑭᑫᐦᒋᓈᐦᐅᓇᐤ ​ ᑭᐦᒋ ᐅᑭᒫᐏᐏᐣ ​ ᐑᐸᐨ ​ ᑲ ᓇᑭᓇᒼ ​ ᑲᐦᑭᔭᐤ ​ ᐋᔨᒥᓱᐏᓇ᙮