ᐑᐦᑳᐨ ​ ᑲᒁᑕᑭᐦᑖᐏᐣ ​ ᑲ ᐴᓂ ᐸᔨᐣ?

ᑭᐦᒋ ᒪᓯᓇᐦᐃᑲᓂᕽ ​ ᐃᑕᐢᑌᐤ

“ᑭᓭᒪᓂᑐ . . . ᐁᑯᓯ ​ ᑭᑕ ​ ᑳᓯᐊᒭᐤ ​ ᑲᐦᑭᔭᐤ ​ ᐅᐦᒋᑲᐚᐱᐏᐣ ​ ᐅᐢᑭᓯᑯᐘᕽ ​ ᐅᐦᒋ; ​ ᒥᓇ ​ ᓂᐳᐏᐣ ​ ᑭᑕ ​ ᓇᒪᑕᑿᐣ; ​ ᓇᒪᐏᔭ ​ ᒥᓇ ​ ᑭᑕ ​ ᐃᐦᑕᑿᐣ ​ ᐱᑵᔨᑕᒧᐏᐣ, ​ ᐊᐦᐳ ​ ᒫᑐᐏᐣ, ​ ᐊᐦᐳ ​ ᐏᓴᑫᔨᑕᒧᐏᐣ; ​ ᐊᔨᐢ ​ ᐊᓂᐦᐃ ​ ᓂᐢᑕᒼ ​ ᑳ ​ ᑭ ​ ᐊᔮᑭ ​ ᐁᑿ ​ ᐳᓂᐸᔨᐘ.” ​ ᑭᐢᑫᔨᐦᑖᑯᐦᑫᐏᐣ 21:3, 4, ​ ᑲᓈᒋ ​ ᑭᐦᒋ ​ ᒪᓯᓇᐦᐃᑲᐣ᙮

ᑮᒁᐩ ​ ᒫᑲ ​ ᐊᓂᒪ ​ ᑭᑕ ᐃᑘᒪᑲᕽ ​ ᑭᔭ ​ ᐅᐦᒋ

ᑫᐦᒋᓈᐦᐅᐏᐣ ​ ᑭᓭᒪᓂᑐᐤ ​ ᓇᒨᔭ ​ ᐑᐦᑳᐨ ​ ᑭᑖᔨᒥᐦᐃᑯᓇᐤ᙮ ​ ᒉᒥᐢ 1:13᙮

ᑲ ᒥᔪᑌᐦᐁᐦᐃᑯᐣ ​ ᑭᑕ ᑭᐢᑫᔨᐦᑕᒫᐣ ​ ᑭᓭᒪᓂᑐᐤ ​ ᐁ ᒨᓯᐦᑖᐟ ​ ᐑᐢᑕ ​ ᒫᓇ ​ ᑳ ᑲᒁᑕᑭᐦᑖᔭᕽ᙮ ​ ᓭᑲᕒᐋᔭ 2:8᙮

ᐸᑯᓭᔨᐦᑕ ​ ᑲᐦᑭᔭᐤ ​ ᑲᒁᑕᑭᐦᑖᐏᓇ ​ ᐁ ᐑ ᐴᓂᐸᔨᑭ᙮ ​ ᓂᑲᒧᓇ 37:9–11᙮

ᑲ ᑮ ᑖᐻᐦᑌᓇᐤ ​ ᒌ ​ ᑫᐦᒋᓈ ​ ᑳ ᐃᑘᕽ ​ ᑭᐦᒋ ᒪᓯᓇᐦᐃᑲᓂᕽ?

ᐁᐦᐊ, ​ ᐃᓯ ​ ᓃᓱ ​ ᐃᑌᔨᐦᑕᒧᐏᓇ:

• ᑭᓭᒪᓂᑐᐤ ​ ᑲᒁᔭᑫᔨᑕᒼ ​ ᑲᒁᑕᑭᐦᑖᐏᐣ ​ ᐁᑿ ​ ᒫᔨ ​ ᐃᓰᐦᒋᑫᐏᐣ᙮ ​ ᒫᒥᑐᓀᔨᐦᑕ ​ ᑖᓂᓯ ​ ᑭᓭᒪᓂᑐᐤ ​ ᒋᐦᐋᐘ ​ ᐁ ᐃᓯ ᒨᓯᐦᑖᐟ ​ ᐃᐢᐲ ​ ᐅᑕᔨᓯᔨᓃᒪ ​ ᑭᐦᒋ ᒪᓯᓇᐦᐃᑲᓂᕽ ​ ᐁ ᑮ ᑭᑎᒪᐦᐃᒥᐦᐟ᙮ ​ ᑭᐦᒋ ​ ᒪᓯᓇᐦᐃᑲᐣ ​ ᐃᑕᐢᑌᐤ ​ ᐁ ᐲᑵᔨᐦᑕᒥᐦᐃᑯᐟ ​ “ᐊᓂᐦᐃ ​ ᐅᐦᒋ ​ ᑳ ​ ᑭᑎᒪᐦᐃᑯᔨᐟ” ​ ᒦᓇ ​ ᑳ ᑲᒁᑕᑭᐦᐃᑯᔨᐟ᙮ ​ ᐅᔭᓱᐍᐘᐠ 2:18᙮

  ᑭᓭᒪᓂᑐᐤ ​ ᓱᐦᑭ ᒧᓯᐦᑖᐤ ​ ᐅᐦᒋ ​ ᐊᓂᑭ ​ ᑳ ᑭᑎᒪᐦᐋᒋᐠ ​ ᑯᑕᑲ᙮ ​ ᑖᐱᐢᑰᐨ, ​ ᐆᑕ ​ ᑭᐦᒋ ᒪᓯᓇᐦᐃᑲᐣ ​ ᐃᑕᐢᑌᐤ ​ “ᒥᒋᐦᒋᔭ ​ ᑳ ​ ᓯᑭᓇᒧᒪᑲᐦᑭ ​ ᒥᔼᑎᓯᐏ ​ ᒥᐦᑯ” ​ ᐁᐘᑯᓂᐠ ​ ᐁ ᑲᒁᔭᑫᔨᒫᐟ᙮ ​ ᑲᑫᐦᑖᐍᐏᓇ 6:16, 17᙮

• ᑭᓭᒪᓂᑐᐤ ​ ᑭᓈᑲᑌᔨᒥᑯᓇᐤ ​ ᒭᐦᒋ ​ ᐹᐦᐯᔭᐠ ​ ᐊᔨᓯᔨᓂᐤ᙮ ​ ᓇᒨᔭ ​ ᒧᐢᒋ ​ ᐊᓇ ​ ᐊᔨᓯᔨᓂᐤ ​ ᑳ ᑭᐢᑫᔨᐦᑕᕽ ​ ᑲᒁᑕᑭᐦᑖᐏᐣ ​ ᐁᑿ ​ ᐑᓴᑲᐦᐱᓀᐏᐣ, ​ ᒫᑲ ​ ᐑᐢᑕ ​ ᒋᐦᐋᐘ ​ ᑭᐢᑫᔨᐦᑕᒼ! ​ 2 ᐊᑭᓀ ᐋᒋᒧᐏᓇ 6:29, 30᙮

  ᑭᐦᒋ ᐅᑭᒫᐏᐏᐣ ​ ᐅᐦᒋ, ​ ᒋᐦᐋᐘ ​ ᐑᐸᐨ ​ ᑲ ᓇᑭᓇᒼ ​ ᑲᒁᑕᑭᐦᑖᐏᐣ ​ ᐃᓯ ​ ᐹᐦᐯᔭᐠ ​ ᐊᔨᓯᔨᓂᐤ᙮ ​ (ᒫᐟᔪ 6:9, 10) ​ ᐃᐢᐲᐦᒋ ​ ᒫᑲ, ​ ᐑᔭ ​ ᐁ ᒥᔪᑌᐦᐁᐦᐋᐟ ​ ᐊᓂᑭ ​ ᑳ ᓇᑐᓇᑯᐟ᙮ ​ ᐃᓯᐦᒋᑫᐏᓂᐚᐘ 17:27; ​ 2 ᑲᕒᐃᐣᑎᔭᓇ 1:3, 4᙮