ᐊᓇ ᑳ ᓂᐱᐟ ᑖᐦ ᑖᐻ ᒌ ᑲ ᐱᒫᑎᓯᐤ ᑳᐏ?
ᐅᒥᓯ ᑳᐦ ᐃᑤᐣ . . .
ᐁᐦᐊ?
ᓇᒨᔭ?
ᐊᐦᐴ ᐁᑎᑵ?
ᑭᐦᒋ ᒪᓯᓇᐦᐃᑲᓂᕽ ᐃᑕᐢᑌᐤ
“ᑭᑕ ᐃᐦᑕᑿᓂᔨᐠ ᐅᐟ ᐋᐱᓯᓯᓄᐏᓂᐚᐤ.” ᐃᓯᐦᒋᑫᐏᓂᐚᐘ 24:15, ᑲᓈᒋ ᑭᐦᒋ ᒪᓯᓇᐦᐃᑲᐣ᙮
ᑮᒁᐩ ᒫᑲ ᐊᓂᒪ ᑭᑕ ᐃᑘᒪᑲᕽ ᑭᔭ ᐅᐦᒋ
ᑲ ᒥᔪᑌᐦᐁᐦᐃᑯᐣ ᐃᐢᐲᕽ ᐊᓂᑭ ᑳ ᓵᑭᐦᐋᒋᐠ ᐁ ᐴᓂ ᐱᒫᑎᓯᒋᐠ᙮ 2 ᑲᕒᐃᐣᑎᔭᓇ 1:3, 4᙮
ᐸᐢᐲᐦᐁᐏᐣ ᐅᐦᒋ ᑲ ᐅᓵᒥ ᑯᐢᑕᒪᐣ ᓂᐳᐏᐣ᙮ ᐦᐃᐸᕒᐅᐘ 2:15᙮
ᒣᑐᓂ ᑫᐦᒋᓈ ᐁ ᐸᑯᓭᔨᐦᑕᒪᐣ ᑳᐏ ᑲ ᐑᒉᐚᐘᐠ ᑭᓵᑭᐦᐋᑲᓇᐠ ᐊᓂᑭ ᑳ ᑮ ᓂᐱᒋᐠ᙮ ᒑᐣ 5:28, 29᙮
ᑲ ᑮ ᑖᐻᐦᑌᓇᐤ ᒌ ᑫᐦᒋᓈ ᑳ ᐃᑘᕽ ᑭᐦᒋ ᒪᓯᓇᐦᐃᑲᓂᕽ?
ᐁᐦᐊ, ᐅᓵᒼ ᑖᐢᑇᐤ ᓂᐢᑐ ᐃᑌᔨᐦᑕᒧᐏᓇ:
ᑭᓭᒪᓂᑐᐤ ᐊᓇ ᐁ ᑮ ᐅᓰᐦᑖᐟ ᑲᐦᑭᔭᐤ ᑮᑿᐩ ᑳ ᐱᒫᑕᕽ᙮ ᑭᐦᒋ ᒪᓯᓇᐦᐃᑲᐣ ᐃᓯᔨᐦᑳᑌᐤ ᑭᓭᒪᓂᑐᐤ ᒋᐦᐋᐘ “ᐃᑌ ᐁ ᐅᐦᒌᒪᑲᕽ ᐱᒫᑎᓯᐏᐣ.” (ᓂᑲᒧᓇ 36:9, New World Translation; ᐃᓯᐦᒋᑫᐏᓂᐚᐘ 17:24, 25) ᐊᓇ ᑳ ᑮ ᒥᔮᐟ ᐱᒫᒋᐦᐃᐍᐏᐣ ᐃᓯ ᒫᒪᐏ ᐅᑐᓰᐦᐋᑲᓇ ᑫᐦᒋᓈ ᑲ ᑲᐢᑭᐦᐅᐤ ᑭᑕ ᐱᒫᒋᐦᐋᐟ ᑳᐏ ᐊᓂᑭ ᑳ ᑮ ᓂᐱᔨᐟ᙮
ᑭᓭᒪᓂᑐᐤ ᑮ ᐘᓂᐢᑳᓀᐤ ᐊᔨᓯᔨᓂᐘ ᐆᑌ ᑲᔮᐢ᙮ ᑭᐦᒋ ᒪᓯᓇᐦᐃᑲᐣ ᒫᒥᐢᑰᑕᒼ ᐊᔨᓈᓀᐤ ᐁ ᑮ ᐃᐢᐸᔨᐠ ᐅᐦᒋ ᐊᔨᓯᔨᓂᐤ, ᐅᐢᐠ ᐋᔭᐠ, ᑫᐦᑌ ᐊᔭᐠ, ᓈᐯᐤ ᐋᔭ ᐁᑿ ᐃᐢᑵᐤ ᐋᔭ, ᑮ ᐘᓂᐢᑳᓀᐤ ᑳᐏ ᑭᑕ ᐱᒫᑎᓯᔨᐟ ᐆᑕ ᐊᐢᑮᕽ᙮ ᐋᑎᐦᐟ ᐊᒋᔭᐤ ᐳᑯ ᐁ ᑮ ᓂᐱᒋᐠ, ᒫᑲ ᐯᔭᐠ ᐁ ᑮ ᐊᔮᐟ ᓂᐳᐏᓂᕽ ᓀᐓ ᑮᓯᑳᐘ! ᒑᐣ 11:39–44᙮
ᑭᓭᒪᓂᑐᐤ ᒣᑐᓂ ᓂᑕᐍᔨᐦᑕᒼ ᑮᐦᑤᒼ ᐊᓂᒪ ᑭᑕ ᐃᑑᑕᕽ᙮ ᒋᐦᐋᐘ ᒣᑐᓂ ᐸᒁᑕᒼ ᓂᐳᐏᐣ, ᐃᑖᐸᐦᑕᒼ ᑖᐱᐢᑰᐨ ᑳ ᐸᒁᑌᔨᒥᐦᐟ ᐊᐏᔭᐠ᙮ (1 ᑲᕒᐃᐣᑎᔭᓇ 15:26) ᒣᑐᓂ ᓂᑕᐍᔨᐦᑕᒼ ᑭᑕ ᒥᓯᐘᓈᒋᐦᑖᐟ ᐊᓂᒪ ᑳ ᐸᒁᑌᔨᒪᑲᕽ, ᑭᑕ ᒣᐢᒋᐸᔨᐦᑖᐤ ᓂᐳᐏᐣ ᐃᓯ ᐋᐱᓯᓯᓄᐏᐣ᙮ ᒣᑐᓂ ᐊᓴᐚᐸᐦᑕᒼ ᑭᑕ ᐚᔨᓄᐦᑕᐦᐋᐟ ᐊᓂᑭ ᑳ ᐊᔭᐚᐟ ᐅᒫᒥᑐᓀᔨᐦᒋᑲᓂᕽ ᐁᑿ ᑲ ᐚᐸᒫᐟ ᐁ ᐱᒫᑎᓯᔨᐟ ᐆᑕ ᐊᐢᑮᕽ ᐋᓴᐩ ᒦᓇ᙮ ᒍᑊ 14:14, 15᙮
ᐆᒪ ᑭᑕ ᒫᒥᑐᓀᔨᐦᑕᒪᐣ
ᑖᓀᐦᑭ ᒫᑲ ᑳ ᐊᑎ ᑫᐦᑌ ᐊᔭᐏᔭᕽ ᐁᑿ ᐁ ᐊᑎ ᓂᐱᔭᕽ?
ᑭᐦᒋ ᒪᓯᓇᐦᐃᑲᐣ ᓇᐢᑯᑕᒼ ᐆᒪ ᑲᑵᒋᐦᑫᒧᐏᐣ ᐆᑕ ᒉᓂᓯᐢ 3:17–19 ᐁᑿ ᕒᐅᒪᓇ 5:12᙮