Kwen Kestyon

◼ Eski i apropriye pour prepar e distribye avek lezot dimoun lenformasyon ki pou ganny kouver dan Lekol Minister Teokratik?

Nou kapab fer sa pour nou menm, nou fanmiy oubyen ennde zanmi pros. Parkont, i pa apropriye ki nou distribye sa bann lenformasyon avek tou dimoun, oubyen pour demann larzan, akoz sa pou kas lalwa lo bann kopirayt.—Rom. 13:1.

Pour serten ekspoze dan Lekol Minister Teokratik, sa zelev i ganny zis en tenm, me i pa endike ki bor ou kapab ganny sa lenformasyon. Eski i pou itil pour prepar en lalis referans kot ou kapab ganny lenformasyon oubyen menm distribye sa lenformasyon pour prepar sa bann ekspoze? Non. I pa pou apropriye osi pour prepar larepons pour Revizyon Lekol Minister Teokratik pour distribye avek lezot, akoz sa pa pou ed zot rapel bann pwen enportan. Sak zelev i devret fer son prop resers. Sa i en laspe enportan sa formasyon ki Zeova pe donn nou atraver sa lekol pour nou koz avek “lalang bann ki’n ganny ansennyen.”—Iza. 50:4.