Kwen Kestyon

◼ Eski i apropriye pour atas ladres personnel nou e-mail lo bann piblikasyon ki nou distribye?

Par mwayen en stanp oubyen bann pti papye idantifikasyon, bokou proklanmater in atas zot ladres e-mail personnel lo bann magazin oubyen trak ki zot plas avek dimoun. Sa i ganny fer pour ki bokou ki aksepte sa piblikasyon ava kapab kontakte sa proklanmater pour plis lenformasyon. Bann tel zefor pour ed bann ki enterese i ganny fer avek en bon lentansyon. Parkont, nou sit ofisyel lo Internet i ganny endike par deryer tou bann magazin ek trak. Alors i pli meyer pour nou pa atas nou ladres e-mail avek nou bann magazin.

Ki swa en proklanmater i donn lezot dan teritwar son ladres pour kontakte li lo en papye separe, espesyalman kan i pe fer en retourn vizit, sa i en desizyon personnel. Nou devret pran linisyativ pour retournen e vwar bann ki enterese olye esper zot kontakte nou pour plis lenformasyon. En lentere personnel i kapab pli byen ganny manifeste si nou koz fas a fas avek en dimoun.