En travay pli enportan ki tou
1. Ki bann sakrifis sa gran lapresyasyon ki nou annan pour sa travay predikasyon pou pous nou pour fer?
1 Akoz nou souvan ganny ankouraze pour depans nou letan, lenerzi ek resours dan predikasyon? Akoz napa en travay ki annan plis valer ki sa enn! Si nou reflesir lo bon lefe ki sa travay pou annan lo lezot, nou dezir pour partisip dan sa travay ki pa pou zanmen ganny repete ankor, pou ogmante.—Akt 20:24.
2. Ki mannyer nou predikasyon i ede sanktifye non Zeova?
2 Sanktifye non Zeova: Sa travay predikasyon i fer resorti ki Rwayonm Zeova dirize par Kris Zezi pou ranplas tou bann gouvernman imen e anmenn en solisyon pour tou problenm limanite. (Mat. 6:9, 10) Zis Zeova ki ganny glorifye konman sa enn ki kapab delivre nou avek maladi ek lanmor. (Iza. 25:8; 33:24) Vi ki nou port son non, bann dimoun ki obzerv nou bon kondwit ek devouman i kapab rann li glwar. (1 Pyer 2:12) Pa i vreman en plezir pour fer tou dimoun partou lo later konn non Souvren Senyer Zeova!—Ps. 83:18.
3. Ki benediksyon bann dimoun ki byen reazir anver sa mesaz Rwayonm i gannyen?
3 Sov lavi: Zeova “pa oule ki personn i ganny detri, me ki tou dimoun i arive repanti.” (2 Pyer 3:9) Me si napa personn pour ansenny zot, ki mannyer dimoun pou kapab aprann ki kalite kondwit Zeova i konsider bon oubyen move? (Yona 4:11; Rom. 10:13-15) Ler bann dimoun i reazir byen anver sa bon nouvel, zot lavi i amelyore anmezir ki zot rezet bann move pratik. (Mik. 4:1-4) Deplis, zot annan sa lespwar lavi eternel ki donn zot lazwa. Kan nou reste okipe dan sa travay predikasyon ek lansennyman, sa pou sov nou ek bann ki ekout nou. (1 Tim. 4:16) Pa nou annan en gran privilez pour partisip dan sa travay pli enportan ki tou!
4. Akoz nou devret reste okipe dan sa travay predikasyon e fer disip?
4 Byento, en sel kou gran ladetres pou met en lafen avek sa lemonn enzis. Bann dimoun ki pran kote avek Zeova pou sirviv. Alor sa travay predikasyon e fer disip ki pe ganny fer ozordi i sa travay pli irzan, pli enportan e ki anmenn plis byenfe. Annou donn li sa plas pli enportan dan nou lavi!—Mat. 6:33.