Eski sa nouvo edisyon Latour Veyer an Angle pli senp pou benefisye ou?

Edisyon letid Latour Veyer an Angle i aprezan disponib dan en edisyon pli senp. Sa edisyon in ganny fer pour (1) ed bann proklanmater ki koz Angle me ki napa en gran ledikasyon; (2) bann proklanmater ki Angle pa zot langaz maternel; (3) bann zenn, enkli bann ki dan primer e segonder; e (4) bann etidyan Labib ki bezwen en langaz pli senp e direk pour konpran bann keksoz spirityel.

Nimero paragraf, kestyon e osi bann soutit i parey avek edisyon Latour Veyer normal. Son lenformasyon i egzakteman parey, zis ki i’n ganny ekrir dan en fason pli senp. Kondikter ek lekter Letid Latour Veyer pou servi edisyon normal amwen ki laplipar dimoun dan lodyans pe servi edisyon pli senp. Me kantmenm sa, bann ki servi edisyon pli senp pou vwar menm verse Labib ek menm legzanp, e zot pou kapab swiv lektir bann paragraf dan zot Latour Veyer e partisip dan letid.

Tou bann ki krwar sa edisyon pou ed zot i devret fer en rekonmann avek sa frer ki okip magazin dan kongregasyon.