Servi sa liv Viv ere pour touzour! dan predikasyon

Pa nou vreman kontan nou annan en nouvo brosir ek liv pour fer bann letid Labib! Nou priye ki Zeova i beni nou zefor pour fer plis disip. (Mt 28:18-20; 1Ko 3:6-9) Ki mannyer nou pou servi sa de nouvo zouti?

Sa liv Viv ere pour touzour! i ofer en letid Labib enteraktif e i en nouvo fason ansennyen. Swiv bann lenstriksyon anmezir ou fer ou preparasyon e ler ou fer letid Labib.a

• Lir sa ki zot pou etidye e diskit lo bann kestyon

• Lir bann verse ki’n ganny demande pour “lir” e ed sa etidyan pour konpran ki mannyer pour aplik sa verse

• Zwe e diskit lo bann video e servi okenn kestyon ki ganny demande

• Esey kouver sak leson dan en sesyon

Dan predikasyon, ofer sa brosir avan, pour vwar si sa dimoun i enterese. (Vwar sa bwat “Ki mannyer pour ofer sa brosir Viv ere pour touzour! lo Premye konversasyon.”) Si sa etidyan i fini sa brosir e i anvi kontinyen etidye, ofer sa liv e konmans avek leson 04. Si ou pe deza etidye avek en dimoun dan liv Ki Labib i dir oubyen dan liv Annou reste dan lanmour Bondye, sanze e servi sa liv Viv ere pour touzour! e deside kote ki ou pou konmanse.

GET SA VIDEO BYENVENI POUR OU LETID LABIB. APRE REPONN SA BANN KESTYON SWIVAN:

• Ki bann etidyan pou aprann dan sa nouvo liv?

• Akoz ou devret montre sa video avek bann nouvo etidyan?

• Ki lobzektif ou kapab ankouraz ou etidyan pour atenn anmezir ki i etidye Labib?—Vwar sa bwat “Pwen enportan ek lobzektif pour sak seksyon”