PWEN 14

Fer resorti bann pwen prensipal

Ebre 8:1

KI OU BEZWEN FER: Ed lodyans pour swiv lafason ki ou pe devlop ou diskour e montre klerman ki mannyer sak pwen prensipal i relye avek ou lobzektif ek ou tenm.

KI MANNYER POUR FER LI:

Ou bezwen annan en lobzektif. Reflesir lo bi ou diskour. Eski i pou donn lenformasyon, konvenk oubyen motiv ou lodyans? Apre, devlop ou diskour dapre sa bi. Fer sir ki tou bann pwen prensipal i ed ou atenn ou lobzektif.

Demann ou lekor: ‘Eski mon lodyans pou annan serten kestyon oubyen eski i annan serten keksoz ki zot pou vwar difisil pour krwar oubyen aksepte?’ Esey reflesir dan ki lord zot pou demann sa bann kestyon. Apre, prepar ou bann pwen dan sa menm lord lozik pour ki ou lodyans i kapab swiv, konpran e aksepte sa lenformasyon.
Met lanfaz lo tenm ou diskour. Mansyonn ou tenm tou dilon diskour par repet bann mo enportan oubyen lezot mo ki annan menm sans.
Fer resorti bann pwen prensipal dan en fason senp e kler. Servi zis bann pwen prensipal ki relye avek ou tenm e ki ou annan ase letan pour byen devlope. Servi zis detrwa pwen prensipal, dir lodyans ki pwen ki ou pe al devlope, fer bann poz ant sak pwen prensipal e montre lodyans ki mannyer sak pwen i relye avek kanmarad.

Ou kapab dir lodyans ki bann pwen prensipal ki ou pe al koz lo la dan ou lentrodiksyon pour ed lodyans swiv pli byen oubyen ou kapab repas lo la dan ou konklizyon pour ed lodyans rapel sa bann pwen.