Revwar bann pwen enportan

Eski parfwa ou vwar li difisil pour rapel sa ki ou’n fek etidye? Sa i arive avek nou tou parfwa. Kwa ki kapab ede? Revwar bann pwen enportan.

Anmezir ou etidye, pran en poz tanzantan pour ekri bann nide pli enportan. Remark lafason ki zapot Pol ti ed bann frer ek ser ki ti pe etidye son let pour fer sa. I ti dir: “Aprezan, la pwen enportan.” (Ebr. 8:1) Dan sa fason, i ti ed bann frer ek ser pour konpran ki i ti pe dir e lafason ki sak pwen ti relye avek tenm son mesaz.

Petet ou kapab pran dis minit ler ou fini etidye pour reflesir lo bann pwen enportan konsernan sa ki ou’n etidye. Si ou pa rapel sa bann pwen, revwar bann soutit oubyen relir premye fraz dan sak paragraf pour ed ou rapel sa bann pwen. Si ou’n aprann en nouvo keksoz, esey eksplik sa ki ou’n aprann dan ou prop mo. Anmezir ki ou revwar bann pwen enportan, i pou pli fasil pour ou rapel sa bann pwen e ou pou osi vwar ki mannyer ou kapab aplik sa bann lenformasyon.