Lekol Minister Teokratik pour 2001
1 I annan bokou rezon Biblik akoz ki nou tou nou devret partisip plennman dan Lekol Minister Teokratik.—Prov. 15:23; Mat. 28:19, 20; Akt 15:32; 1 Tim. 4:12, 13; 2 Tim. 2:2; 1 Pyer 3:15.
2 En progranm pour lektir Labib lasemenn in depi lontan en size dan lekol. Ou annan zis pour lir en paz Labib sak zour. Apartir sa lannen, en lektir Labib i osi ganny progranmen pour sak semenn revizyon ekrir. Sa lektir Labib siplemanter ki ti’n ganny progranmen pour sa 3 trwa lannen ki’n pase in konplete. Me si ou swete lir plis Labib ki sa ki’n ganny progranmen ou kapab fer ou prop progranm.
3 Ekspoze No. 2 i form bann frer pour ‘lektir piblik’ Parol Bondye. (1 Tim. 4:13) Kan ou annan en ekspoze pour lir, egzers li aotvwa e plizyer fwa. Pour amelyor ou prononsyasyon, ton lavwa ek lezot laspe pour en bon lektir, ou kapab servi bann odyo kaset Labib ki lasosyete in fer.
4 Ekspoze No. 3 ek No. 4 i baze lo liv Comment Raisonner, ki’n ganny prepare pour servi dan predikasyon. Si bann lenformasyon i plis ki sa ki ou kapab konsidere dan sa lespas letan, selekte selman sa ki pou pli pratik dan ou teritwar. Ou kapab servi nenport ki senn ki pou apropriye dan ou teritwar.
5 Fer tou ou zefor pour byen fer tou bann ekspoze ki ou gannyen dan lekol. Pran letan pour prepar byen e dir sa ki sorti ofon ou leker. Ou pou en sours lankourazman, e ou pou benefisye personnelman par partisip avek tou ou leker dan Lekol Minister Teokratik pandan lannen 2001.