Ou devret get sa Video No Blood—Medicine Meets the Challenge
Ki kantite ou konnen lo bann opsyon ki disponib konsernan bann tretman ki pa kontyen disan? Eski ou konpran lekel serten sa bann tretman ki nou kapab servi dan plas transfizyon disan e konman zot marse? Regard sa video, e teste ou konnesans avek sa bann kestyon swivan. (Not: Vi ki sa video i enkli ennde senn bref kot pe fer loperasyon, bann paran i devret servi bon zizman si zot pou regard sa video avek zot pli pti zanfan.)
(1) Ki rezon prensipal akoz Temwen Zeova i refiz transfizyon disan, e kote sa prensip i ganny trouve dan Labib? (2) Ki kalite swen medikal ki nou swete gannyen? (3) Ki drwa ki en pasyan i annan? (4) Akoz rezet transfizyon disan i fer sans e i montre ki nou pe azir responsab? (5) Ler i annan en ka kot en dimoun in perdi bokou disan, ki sa de priyorite irzan ki bann dokter i annan? (6) Ki kalite danze transfizyon disan i kapab anmennen pour lasante en dimoun? (7) Ki serten zouti ki bann sirizyen i annan a zot dispozisyon ki anpes en dimoun perdi bokou disan pandan loperasyon? (8) Ki lenformasyon ki ou devret gannyen konsernan okenn lezot tretman dan plas transfizyon disan? (9) Eski bann loperasyon konplike e grav i kapab ganny fer san servi disan? (10) Ki bokou dokter i pare pour fer pour bann Temwen Zeova? Ki mannyer tou pasyan i kapab ganny trete dan lavenir?
San dout, i pou vreman itil pour get sa video No Blood ansanm avek nou bann etidyan Labib, bann manm fanmiy ki pa Temwen, koleg travay, ansennyan ek kanmarad lekol. Zot sa bann dimoun ki kapab lev diferan kestyon konsernan nou pozisyon lo disan. I en desizyon personnel ki en dimoun i fer dapre son konsyans pour aksepte okenn tretman ki’n ganny prezante dan sa video.—Vwar “Kestyon Lekter” dan Latour Veyer le 15 Zen ek le 15 Oktob, 2000, an Angle oubyen an Franse.