En pli bon Swen medikal—Ki sa Swen?
“Nenport pasyan ki resevwar en swen medikal san disan, pe en realite benefisye sa pli bon swen posib.” Se sa ki Dr. Michael Rose, direkter medikal e anesthesiologist ti dir. Ki bann prosedir ek lezot tretman ki ranplas transfizyon disan ki kapab ganny enkli dan bann “tretman ki pa kontyen disan”? Ou bezwen konnen pour ou kapab fer bann desizyon baze lo en bon konnesans kot i konsern tretman medikal ek loperasyon. Get sa video No Blood—Medicine Meets the Challenge. Apre teste ou konprenezon par sa bann kestyon swivan.—Not: Vi ki sa video i annan bann senn kot pe fer loperasyon, bann paran i bezwen servi zot bon zizman ler zot pe get sa video avek zot zanfan.
(1) Ki sa rezon prensipal akoz bann Temwen Zeova i refiz transfizyon disan? (2) Konsernan swen medikal kwa ki bann Temwen Zeova i swete? (3) Ki drwa enportan bann pasyan i annan? (4) Akoz i rezonnab e nou responsab ler nou swazir lezot tretman ki ranplas transfizyon disan? (5) Ler en dimoun i perdi en kantite disan, ki sa de priyorite irzan bann dokter i annan? (6) Lekel sa kat tretman prensipal ki ranplas transfizyon disan? (7) Ki mannyer bann dokter i kapab (a) limit lakantite disan ki perdi, (b) konserv bann globil rouz, (c) ogmant prodiksyon disan, e (d) rekiper bann disan ki’n perdi? (8) Dekrir sa prosedir ki ganny apele (a) hemodilution ek (b) cell salvage. (9) Lo kwa ki nou devret ganny enformen an rapor avek lezot tretman ki ranplas transfizyon disan? (10) Eski bann gran loperasyon ek bann ki konplike i kapab ganny fer san transfizyon disan? (11) Ki bann devlopman ki anmenn benefis ki pe ganny fer dan domenn medikal?
En dimoun i fer son prop desizyon dapre son konsyans baze lo Labib si i pou aksepte okenn tretman dan sa video. Eski ou’n deside ki lezot tretman ki ranplas transfizyon disan ou pare pour aksepte e osi pour ou zanfan? Ou bann fanmiy ki pa Temwen i devret ganny byen enformen lo ou desizyon ek rezon akoz ou’n fer li.—Vwar “Kestyon Lekter” dan Latour Veyer le 15 Zen, 2004, ek le 15 Oktob, 2000 (Angle/Franse).