Benefisye avek sa Video No Blood—Medicine Meets the Challenge
Ki kantite ou konnen lo bann diferan tretman ki pa kontyen disan? Eski ou konpran lekel serten sa bann tretman ki nou kapab servi dan plas transfizyon disan e konman zot marse? Get sa video, e teste ou konnesans avek sa bann kestyon swivan.—Not: Vi ki sa video i enkli ennde senn bref kot pe fer loperasyon, bann paran i devret servi bon zizman pour deside si zot zanfan i devret gete.
(1) Ki rezon prensipal akoz Temwen Zeova i refiz transfizyon disan, e kote sa prensip i trouve dan Labib? (2) Ki kalite swen medikal ki nou swete gannyen? (3) Ki drwa en pasyan i annan? (4) Akoz rezet transfizyon disan i fer sans e i montre ki nou pe azir responsab? (5) Ler i annan en ka kot en dimoun in perdi bokou disan, ki sa de priyorite irzan ki bann dokter i annan? (6) Ki kalite danze transfizyon disan i kapab anmennen pour lasante en dimoun? (7) Ki serten lekipman bann sirizyen i annan dan zot dispozisyon ki anpes en dimoun perdi bokou disan pandan loperasyon? (8) Ki lenformasyon ou devret gannyen konsernan okenn lezot tretman ou kapab servi dan plas transfizyon disan? (9) Eski bann loperasyon konplike e danzere i kapab ganny fer san servi disan? (10) Ki bokou dokter i pare pour fer pour bann Temwen Zeova? Ki mannyer tou pasyan i kapab ganny trete dan lavenir?
En dimoun i fer son prop desizyon dapre son konsyans si i pou aksepte okenn tretman dan sa video.—Vwar Latour Veyer le 1 Zilyet, 2004, p. 16-8, Latour Veyer le 15 Zen, 2004, p. 29-31 (Angle/Franse), ek Latour Veyer le 15 Oktob, 2000, p. 30-1 (Angle/Franse).