Nouvo Progranm Zournen Lasanble spesyal

Lizye i en kreasyon merveye. (Ps. 139:14) Me i kapab konsantre lo zis en keksoz alafwa. Sa i vre literalman e senbolikman. Pour ki nou vizyon spirityel i kontinyen reste kler, nou devret gard nou latansyon lo fer lavolonte Bondye. Lefe ki i annan en kantite distraksyon ki pe ogmante dan sa lemonn Satan, i pou vreman apropriye ki zournen lasanble spesyal pour lannen servis 2006 i devlop sa tenm “Gard ou Lizye senp!”—Mat. 6:22, NW.

Ki nou kapab fer pour ganny benediksyon sorti kot Zeova? (Prov. 10:22) Sa kestyon pou ganny egzaminen dan sa size “Kontinyen gard en Lizye senp e rekolte Benediksyon.” Bann entervyou pou fer resorti konman nou kapab benefisye ler nou aplik bann prensip Labib. Premye diskour par orater viziter, “Gard en Lizye senp dan en Lemonn mesan,” pou averti nou kont bann keksoz ki kapab konplik nou lavi e anpes nou progrese spirityelman. Nou pou osi aprann ki i enplike dan swazir sa “meyer par.”—Lik 10:42.

Ki mannyer bann paran ek lezot i kapab ankouraz bann zenn Kretyen pour konsantre lo bann aktivite spirityel? Sa de size “Paran ki viz byen zot Dart” ek “Zenn ki pourswiv bann Lobzektif spirityel” pou enkli komanter sorti kot bann paran ek zenn lo sa kestyon enportan. (Ps. 127:4) Diskour final par orater viziter pou egzaminen konman nou kapab progrese avek lorganizasyon Zeova personnelman, konman en fanmiy, e konman en kongregasyon.

Ki swa nou’n fek zwenn laverite oubyen nou pe servi Zeova pour plizyer lannen, i tre enportan ki nou ‘gard nou lizye senp.’ Zournen lasanble spesyal pou ed nou fer sa.