En Lekol ki ed nou fer Laplikasyon pratik
1 Anmezir ki nou egzamin lenformasyon dan Progranm Lekol Minister Teokratik pour 2006, nou pou fer zefor pour benefisye avek bann lansennyman Labib par aplik zot dan nou servis sakre e dan lavi toulezour. Nou determinen pour met an pratik bann keksoz ki nou aprann.—Zan 13:17; Fili. 4:9.
2 Fer Komanter: Progranm pour sa lannen in donn ankor en minit pour partisipasyon dan pwen biblik enteresan. I vedir ki sa frer ki pou prezant pwen biblik enteresan i devret fer atansyon pour fini son size dan senk minit olye sis. Bann ki fer komanter i devret gard antet zot letan. Si sa enn ki fer komanter in byen prepare, i pou kapab donn lenformasyon itil dan 30 segonn oubyen mwens. Apepre dis dimoun i kapab fer bann bon komanter pandan sa senk minit ki’n ganny donnen pour partisipasyon lodyans.
3 Diskour ki ansennyen: Pwen biblik enteresan ek diskour lenstriksyon i devret konsantre lo valer sa lenformasyon pour montre konman i aplik pour nou predikasyon ek lezot laspe lavi toulezour. En orater pa devret zis pous bann ki pe ekout li pour azir. I devret spesifye kwa ki devret ganny fer, montre ki mannyer i devret ganny fer, e atir latansyon lo bann byenfe ki nou gannyen ler nou fer sa. I kapab dir, “Koumsa ki sa teks i kapab gid nou,” oubyen “Koumsa ki nou kapab servi sa bann verse dan predikasyon.” Bann ansyen ek asistan ministeryel ki konn bann sitiasyon lokal i devret fer zefor pour fer laplikasyon pratik sa lenformasyon dan en fason pli spesifik posib.
4 Mansyonn bann legzanp dan Labib i kapab pli efikas ler pe fer laplikasyon pratik. Apre ki sa orater in refer avek en legzanp dan Labib, i kapab dir, “Ou osi ou kapab vwar ou dan en sitiasyon koumsa.” I devret fer sir ki nenport legzanp dan Labib ki i servi i armoni avek konteks, avek Labib an zeneral, e avek sa ki “lesklav fidel e pridan” in pibliye.—Mat. 24:45, NW.
5 Lasazes i abilite pour byen servi konnesans ek konprenezon. “Lasazes i keksoz prensipal.” (Prov. 4:7) Anmezir ki nou devlop lasazes pratik atraver nou bann lansennyman dan Lekol Minister Teokratik, annou osi amelyor fason ki nou partaz li avek lezot.