Nou Letid dan Liv Ki Labib i vreman dir?
1 En moman eksitan dan sa Lasanble Distrik “Lobeisans anver Bondye” ti ler sa liv Ki Labib i vreman dir? ti sorti. Nou pou servi li souvan dan predikasyon, sirtou ler nou pe kondwir bann letid Labib. Alors, nou bezwen byen familye avek sa nouvo liv. I pou posib akoz nou pou etidye li dan Letid Liv apartir semenn le 13 Novanm, 2006.
2 Sirveyan letid liv pou atir latansyon lo bann kestyon ki lo konmansman sak sapit. Apre i pou kondwir letid par servi bann kestyon anba lo paz. Bann verse Labib enportan pou ganny lir e diskite. Sa bwat “Ki Labib i dir” alafen sak sapit pou ede ler pe revwar bann lenformasyon, akoz sa bwat i annan larepons ki Labib i donnen pour reponn sa bann kestyon lo konmansman sapit. Ou pou kontan pour donn ou komanter akoz sa liv i kouver bann size dan en fason kler, senp e enteresan.
3 Sa parti “Lezot Lenformasyon” i donn bann detay lo plizyer topik. Nou pou kapab servi sa lenformasyon ler bann etidyan i bezwen plis detay lo en serten size. Serten porsyon dan “Lezot Lenformasyon” pou ganny kouver parler pandan Letid Liv. Tou lenformasyon lo en topik pou ganny lir par sa enn ki sipoze pe lir, e bann lartik pli long pou kapab ganny kouver par bout. Napa kestyon dan “Lezot Lenformasyon,” me sa sirveyan i kapab demann bann kestyon ki fer resorti bann pwen enportan.
4 Pandan Letid Liv, sa letid pou al vitman. Me nou pa bezwen al vit ler nou pe fer letid avek lezot, sirtou si zot napa bokou konnesans lo Labib. (Akt 26:28, 29) Ler nou pe kondwir letid, nou pou bezwen diskit bann verse Labib pli profon, eksplik bann legzanp, ensidswit. Alors fer li ou lobzektif pour asiste letid liv sak semenn e partisip otan ki ou kapab ler nou pe etidye sa liv Ki Labib i vreman dir?