Nouvo Progranm Lasanble Rezyonal

Sa lemonn ti a kontan ki nou krwar ki sa sistenm pou reste pour touzour. Me Parol Bondye i dir nou tou lekontrer. (1 Zan 2:15-17) I fer nou konpran ki ler nou ‘akimil trezor lo later,’ sa i anven. Pour fortifye pep Bondye, sa tenm “Akimil . . . Larises dan Lesyel” pou ganny devlope dan lasanble rezyonal 2007.—Mat. 6:19, 20.

Dapre Efezyen 2:2, sa “sef pisans dan lespas, sa menm lespri ki aprezan pe travay dan bann zanfan dezobeisans” i osi enplik sa leta lespri pour tay deryer keksoz materyel. Zis parey ler ki nou respire i partou, pareyman sa “lespri dapre lemonn” i partou dan sa lemonn. (1 Kor. 2:12) Vi ki son lenfliyans i tre for, alor Labib i dir i annan “pisans.” Sa nouvo progranm lasanble rezyonal pou ed nou rezet sa leta lespri pour tay deryer keksoz materyel, e kontinyen konsantre lo sa ki pli enportan. (Mat. 6:33) Deplis, sa progranm pou ed nou apiy lo Zeova anmezir ki nou akonpli nou minister malgre bann presyon ek difikilte.

Fer sir ou la tou le de zour e port “en pli gran latansyon.” (Ebr. 2:1) An bref, pran bann not ki ou pou kapab aplike dan ou lavi e dan ou minister. Si ou la depi konmanse ziska finisyon sa progranm spirityel byen ris, ou pou ganny ankouraze e fortifye pour kontinyen ‘akimil larises dan lesyel’!