Protez ou lespri
1. Ki tenm lasanble rezyonal pour lannen servis 2013 e ki bi sa progranm?
1 Zezi ti enstrir son bann disip pour kontan Zeova avek tou zot leker, nanm ek lespri. (Mat. 22:37, 38) Progranm lasanble distrik e rezyonal pour sa lannen in ganny prepare pour ed nou vin pli for. Si ou rapel, tenm nou lasanble distrik se “Protez ou leker!” Tenm lasanble spesyal pour lannen servis 2013 se “Protez ou konsyans.” Sa seri lasanble rezyonal ki pou konmanse mwan prosen i annan pour tenm “Protez ou lespri,” baze lo Matye 22:37. Sa progranm in ganny fer pour ed sakenn antre nou analiz nou bann panse pour ki zot fer plezir Zeova.
2. Pandan progranm, nou merit rod larepons pour ki kestyon?
2 Ki pou annan dan progranm: Anmezir nou ekout progranm lasanble rezyonal, nou devret rod larepons sa bann kestyon swivan ki form parti bann pwen prensipal:
• Ki mannyer nou kapab evite annan bann ‘panse zonm’?
• Ki mannyer nou kapab tir sa vwal ki avegle lespri bann non krwayan?
• Ki kalite leta lespri nou devret annan?
• Ki byenfe nou pou gannyen ler nou medit byen?
• Ki mannyer nou kapab les Zeova moul nou fason panse?
• Konman ki bann msye, madanm, paran ek zanfan i kontribye pour ki lafanmir i ere?
• Ki mannyer nou kapab prepar nou pour zour Zeova?
• Ki savedir gard nou lespri touzour alert?
• Ki byenfe bann ki met an pratik sa ki zot aprann i gannyen?
3. Akoz i enportan ki nou asiste lasanble tou le de zour, port byen atansyon e met an pratik sa ki nou aprann?
3 Satan i anvi kontrol e sali nou lespri. (2 Kor. 11:3) Alor nou bezwen protez nou lespri e kontrol nou panse. Nou bezwen kontinyen demontre menm leta lespri ki Kris e lit kont lenfliyans sa move lemonn. (1 Kor. 2:16) Alor, fer laranzman pour asiste tou le de zour lasanble rezyonal. Port byen latansyon. Si nou met an pratik sa lenformasyon enportan ki ganny donnen, sa pou ed nou gard nou lespri touzour alert e akonplir nou minister avek devouman.—1 Pyer 1:13.