Eski ou pe toultan anvoye?

Anvoy kwa? Pour ranpli sa kart Advance Decision to Refuse Specified Medical Treatment (DPA) pour bann Temwen batize. Vi ki ou ‘pa konnen ki mannyer lavi pou ete demen,’ i tre enportan ki ou deside davans e ekrir ki kalite tretman ek prosedir ou pou aksepte dan kan irzans. (Zak 4:14; Akt 15:28, 29) Pour ed ou fer sa, i annan sa video Transfusion-Alternative Health Care—Meeting Patient Needs and Rights. Get sa video e apre dan lapriyer revwar sa ki ou’n aprann par servi bann kestyon pli ba ki’n ganny fer pour ed ou.—Not: Vi ki sa video i annan bann senn kot pe fer loperasyon, bann paran i devret servi bon zizman ler zot pe get sa video avek zot zanfan.

(1) Akoz serten dokter ek lezot personnel lasante pe egzaminen si zot devret kontinyen servi transfizyon disan parey oparavan? (2) Donn trwa legzanp bann loperasyon konplike ki ti kapab ganny fer san transfizyon disan. (3) Ki kantite dokter ek sirizyen atraver lemonn ki’n montre ki zot pare pour tret bann pasyan san servi disan? Akoz zot pare pour fer sa? (4) Ki bann dernyen letid in montre konsernan servi disan? (5) Ki danze transfizyon disan i kapab anmennen pour lasante en dimoun? (6) Ki konklizyon serten eksper in tonm lo la konsernan byenfe lezot tretman ki kapab ganny servi dan plas transfizyon disan? (7) Kwa ki fer dimoun ganny lannemi? Ziska ki degre imen i kapab siport lannemi san annan bann move lefe? Kwa ki kapab ganny fer pour anpes sa? (8) Ki mannyer en pasyan i kapab prodwir plis globil rouz? (9) Ki metod ki ganny servi pour limit lakantite disan ki perdi pandan loperasyon? (10) Eski lezot tretman ki ranplas transfizyon disan i efikas pour bann zanfan oubyen pour bann dimoun ki zot lavi i an danze? (11) Ki bann dokter i bezwen pran an konsiderasyon an sa ki konsern drwa bann pasyan? (12) Akoz i enportan ki byen boner bann Kretyen i swazir ki kalite tretman ki pa kontyen disan ki zot pare pour aksepte? Ki mannyer nou kapab fer sa?

En dimoun i fer son prop desizyon dapre son konsyans baze lo Labib si i pou aksepte okenn tretman dan sa video. Eski ou’n fini deside ki tretman medikal ek prosedir ki ou pare pour aksepte pour ou menm e pour ou zanfan? Pour kapab konn plis lo sa size vwar “Kestyon Lekter” dan Latour Veyer le 15 Zen, 2004 ek le 15 Oktob 2000, (Angle/Franse). E osi sa sipleman dan Nou Minister Rwayonm Novanm 2006 entitile: “Ki desizyon mon pran konsernan bann fraksyon disan ek bann prosedir medikal ki enplik mon prop disan?” Sa dimoun ki ou’n swazir pour ou kontakte dan ka irzans e ou fanmir ki pa Temwen i bezwen ganny byen enformen konsernan ou desizyon.