Lenvitasyon Memoryal pou ganny distribye dan lemonn antye!
1. Ki kanpanny spesyal ki pou ganny fer dan lemonn antye avan Memoryal?
1 Kontinyen “fer sa an mon memwar.” (Lik 22:19) Pour obeir komannman Zezi, bann adorater Zeova ansanm avek bann ki enterese pou zwenn ansanm le 30 Mars 2010 pour komemor lanmor Zezi. En lenvitasyon spesyal pou ganny distribye dan lemonn antye depi le 13 Mars ziska le 30 Mars.
2. Ki mannyer nou kapab ofer sa lenvitasyon?
2 Ki mannyer sa pou ganny fer: Ou kapab donn met lakour en lenvitasyon dan son lanmen pour li vwar sa portre ki devan, apre dir: “Mardi le 30 Mars apre soley kouse pou annan plizyer milyon dimoun dan lemonn antye ki pou zwenn ansanm pour komemor lanmor Zezi. Sa lenvitasyon i pour ou ek ou fanmir. Mon ti a kontan envit ou. Ou bann zanmi osi i ganny envite. Sa i ler ek landrwa kot i pou ganny fer.” Dapre sirkonstans, ou kapab montre li sa komann dan Labib par lir Lik 22:19. Gard antet ki nou annan selman en ptigin letan pour kouver teritwar, alor i pli bon si nou bref.
3. Lekel ki nou kapab envite?
3 Si ou kongregasyon i annan en gran teritwar, bann ansyen i kapab demann ou pour met en kopi anba laport letan napa personn kot lakour lo premye vizit. Kan i apropriye, ofer magazin ansanm avek sa lenvitasyon. Pa oubliye pour envit ou bann retourn vizit, etidyan Labib, koleg travay, kanmarad lekol, fanmir, vwazen ek lezot dimoun ki ou konnen.
4. Nou lapresyasyon pour lanmour ki Zeova in demontre pour nou, pou pous nou pour fer kwa?
4 Prepare pour partisip plennman: Sezon Memoryal i en bon moman pour fer plis dan predikasyon. Eski ou kapab aranz ou progranm pour fer pionye asistan? Eski ou annan zanfan oubyen etidyan Labib ki pe fer bon progre spirityel? Si sa i le ka, ou kapab demann bann ansyen si sa bann nouvo i kalifye pour vin bann proklanmater pour partisip dan sa kanpanny spesyal. Nou lapresyasyon pour lanmour ki Zeova in demontre par donn nou sa ranson pou motiv nou pour pa zis prezan sa zour, me osi pour envit kantite dimoun posib pour asiste Memoryal ansanm avek nou.—Zan 3:16.