Fer zefor pour konmans letid Labib premye Sanmdi
Konmansman Me 2011, bann proklanmater ti ganny ankouraze pour esey konmans letid Labib lo premye Sanmdi sak mwan. Pour ed nou fer sa, en seri lartik dan Latour Veyer edisyon piblik avek tit “Labib i reponn” in ganny prepare. Alor, dan bann renyon predikasyon ki ganny fer premye Sanmdi lanfaz i devret ganny mete lo ki mannyer sa lartik i kapab ganny servi pour konmans en letid Labib. Fer en demonstrasyon pour montre ki mannyer en prezantasyon i kapab ganny fer.
Bann ansyen i kapab deside si zot pou fer sak group predikasyon zwenn separeman lo premye Sanmdi, oubyen si zot pou fer tou bann group zwenn ansanm kot Lasal Rwayonm. Par kont, si i annan plizyer kongregasyon ki servi menm Lasal Rwayonm, sa zour spesyal pour konmans letid Labib pa devret ganny anvoye pour en lot zour pour ki zot kapab annan en renyon predikasyon ansanm.