Eski ou pou sezi sa loportinite?
Memoryal pou ed nou pour demontre nou lapresyasyon
1. Ki loportinite spesyal nou pou annan pour Memoryal?
1 Memoryal le 14 Avril pou donn nou en bon loportinite pour devlop e demontre lapresyasyon pour labonte Zeova. Sa resi dan Lik 17:11-18 i montre ki mannyer Zeova ek Zezi i konsider lapresyasyon. Malerezman, zis enn parmi sa dis lepre ki ti sezi sa loportinite pour eksprim son lapresyasyon. A lavenir, sa ranson ki konman en kado pou anmenn en gerizon konplet pour tou maladi e fer lavi eternel en realite. San dout, nou pou remersi Zeova pour sa benediksyon tou le zour. Me ki mannyer nou pou demontre nou lapresyasyon pandan sa bann semenn ki pe vini?
2. Ki mannyer nou kapab devlop lapresyasyon pour sa ranson?
2 Devlop lapresyasyon: Se nou bann panse ki fer nou devlop bann santiman lapresyasyon. Pour ed nou devlop nou lapresyasyon pour sa ranson, i pou annan en lalis verse Labib spesyal pour Memoryal ki trouve dan plizyer landrwa, tel parey dan lezot lenformasyon B12 dan sa nouvo versyon New World Translation, kalandriye ek liv Egzamin Labib sak zour. Akoz ou pa egzamin sa bann lenformasyon avek ou fanmir? Ler nou fer sa nou lapresyasyon pour sa ranson pou ogmante. An retour, sa pou annan en lefe pozitif lo nou kondwit.—2 Kor. 5:14, 15; 1 Zan 4:11.
3. Dan ki fason nou kapab demontre nou lapresyasyon pandan sezon Memoryal?
3 Demontre lapresyasyon: Nou demontre lapresyasyon par nou aksyon. (Kol. 3:15) Sa lepre rekonesan ti fer zefor pour rod Zezi e remersye li. San dout, i ti osi koz avek lantouzyasm lo son gerizon mirakile avek lezot. (Lik 6:45) Eski lapresyasyon pour sa ranson pou pous nou pour partisip avek devouman dan sa kanpanny Memoryal? Fer pionye asistan oubyen pas plis letan dan predikasyon pandan sezon Memoryal i en lot fason pour demontre nou lapresyasyon. Zour Memoryal, nou leker rekonesan pou pous nou pour akey bann nouvo e pare pour reponn zot bann kestyon.
4. Ki nou kapab fer pour nou napa regre pour sa Memoryal?
4 Eski sa pou nou dernyen Memoryal? (1 Kor. 11:26) Nou pa konnen. Me nou konnen ki dek ki i’n fini pase, nou pou perdi sa loportinite spesyal pour demontre nou lapresyasyon. Eski ou pou sezi sa loportinite? Fotespere bann parol ki sorti dan nou labous ek meditasyon nou leker i fer Zeova plezir, sa Enn ki’n donn sa ranson.—Ps. 19:14.