En nouvo lapros eksitan pour fer temwannyaz an piblik
1. Ki bann kongregasyon ki annan teritwar kot plizyer dimoun i ale vini in ganny ankouraze pour fer?
1 Bann kongregasyon ki annan bann teritwar kot plizyer dimoun i ale vini in ganny ankouraze pour organiz temwannyaz an piblik, par servi bann latab ek prezantwar. Si en prezantwar pe ganny servi, omwen en proklanmater i bezwen debout ouswa asiz o bor sa prezantwar. Par kont i devret annan de proklanmater kot en latab. Sa bann ki pe debout o bor sa bann latab ek prezantwar, i devret zantiy, amikal e abordab. Si en dimoun i montre lentere, en proklanmater i kapab konmans en konversasyon, petet i kapab dir, “Eski ou’n deza mazinen ki Labib i dir lo sa size?” Ler sa proklanmater pe koz avek en dimoun, enn oubyen de lezot proklanmater i kapab fer temwannyaz enformel pa lwen avek sa prezantwar oubyen latab.
2. Rakont en leksperyans ki montre lenportans pour fer temwannyaz an piblik par servi prezantwar ek latab?
2 Sa kalite lapros in fer ki plizyer letid Labib in konmanse. En etidyan dan kolez ti deside pour ekri en ekspoze lo Temwen Zeova me i pa ti kapab trouv en Lasal Rwayonm. Son semenn apre i ti trouv enn nou latab dan lakour son kolez. En letid Labib ti konmanse e aprezan sa etidyan i en proklanmater batize ki pe partisip dan sa menm form temwannyaz.
3. Ki mannyer serten proklanmater i santi konsernan sa fason pour fer temwannyaz an piblik?
3 En ser ki ti byen kontan sa fason pour fer temwannyaz an piblik ti dir: “Serten dimoun i pas kot sa prezantwar pour pran nou magazin pli resan. Lezot pa’n zanmen tann koz lo Temwen Zeova. Mon’n remarke ki nou ganny bokou dimoun ler nou servi sa kalite lapros.” En lot ser ti dir: “Sa i en nouvo metod eksitan pour rann temwannyaz akoz dimoun i kirye e zot vin kot ou menm si zot pa enterese.
4. Akoz i itil pour met latab oubyen prezantwar dan menm landrwa e menm ler sak semenn?
4 I itil pour met sa prezantwar oubyen latab dan menm landrwa, menm zour e menm ler sak semenn. An rezilta, dimoun pou abitye vwar sa bann prezantwar oubyen latab dan menm landrwa e apre sa zot pou santi zot konfortab pour zot aprose pour demann kestyon oubyen pran piblikasyon. Eski ou kongregasyon in deza organize pour fer temwannyaz an piblik? Si i leka, petet ou kapab partisip dan sa fason ki eksitan e efikas pour “proklanm Rwayonm Bondye.”—Lik 9:60.